May 13, 2021, Thursday
३० बैशाख २०७८, बिहीबार

बर्ड फ्लूले कुखुरा व्यवसाय ध्वस्त

बर्ड फ्लूले कुखुरा व्यवसाय ध्वस्त

बर्ड फ्लूको कारण पहिलोपटक नेपालमै एक व्यक्तिको मृत्यु भएको सरकारले नै पुष्टि गरेपछि कुखुराको मासु र अण्डाका पारखी यस्को सेवन गर्न छाडेका छन् । बजारमा बर्ड पलुको हल्लासँगै कुखुराको मासु र अण्डा खपतमा ब्यावक कमी आएको छ । पोल्ट्री व्यवसायमा लागेका हजारौं साना÷ठूला लगानीकर्ता यतिबेला अन्यौलमा छन् । रोग संक्रमणको डर आफ्ना उपभोक्तामा उब्जेपछि साना र मझौला एवं ठूला व्यावसायी यस क्षेत्रमा थप लगानीका लागि हच्किएका छन् । सामान्य अवस्थामा भन्दा बर्ड फ्लूबाट मानिसको मृत्यु भएको हल्लापछि ३० प्रतिशतले मासुको खपत घटेको छ । व्यवसायीहरु थप चल्ला पाल्ने कि नपाल्ने भन्ने दोधारमा रहँदा कुखुराको चल्लाको मूल्यमा पनि भारी ह्रास आएको छ । अरुबेला ८५ रुपैयाँ पर्ने कुखुराको चल्ला अहिले ३० रुपैयाँमा झरेको छ । तत्काल कुखुराको मासुको मूल्यमा ह्रास नआए पनि ग्राहकमा त्रास र व्यवसायीमा जोखिम लिन नचाहने प्रवृत्तिले यो क्षेत्र धरासायी अवस्थामा पुगेको छ । यतिखेर माशु मात्र होइन अण्डाको खपत पनि घटेको छ । नेपालमा सरदर दैनिक २६ देखि २७ लाख अण्डा उत्पादन हुनेमा उत्पादन भएपनि त्यसको भाउ पाउन सकेको छैनन् । प्रतिगोटा १३ रुपैयाँमा बिक्री भइरहेको अण्डा बर्ड फ्लूको हल्लाले यतिबेला ६ रुपैयाँ १५ पैसामा झरेको छ । अण्डा र कुखुराको मासु उत्पादनमा नेपाल आत्मनिर्भर मात्रै होइन, निर्यात गर्ने क्षमतामै रहेको यो ब्यावासय यतिखेर बर्ड पलूको त्रासमा नराम्ररी प्रभावित भएको छ ।