June 20, 2021, Sunday
६ असार २०७८, आईतवार

सात अर्ब खर्चेर परिचयपत्र बाड्दै सरकार

सात अर्ब खर्चेर परिचयपत्र बाड्दै सरकार

सरकारले सात अर्ब ५२ करोड रुपैयाँ खर्चेर सबै नागरिकलाई राष्ट्रिय परिचयपत्र वितरण गर्ने भएको छ । आगामी ३ वर्ष्भित्र सबैलाई परिचयपत्र दिने तयारीका साथ सरकार राष्ट्रिय परिचय पत्र दिने तयारी गरेको हो । चालू आवको बजेट वक्तव्यमा अबको ५ वर्ष्भित्र सबै नागरिकलाई राष्ट्रिय परिचयपत्र वितरण गर्ने नीति अनुरुप आगामी वर्ष १५ जिल्लामा सो कार्यक्रम सरकारले वितरण गर्न लागेको हो । शुरुमा परिचयपत्र वितरणका लागि दातृनिकायको सहयोग लिने भनिए पनि पछिल्लो समय सरकारले आफ्नै स्रोतबाट परिचयपत्र वितरण गर्ने तयारी गरेको हो । गृह मन्त्रालयअन्तर्गत रहने गरी वि.सं. २०६७ साउन १ गते राष्ट्रिय परिचयपत्र व्यवस्थापन केन्द्र स्थापना गरिएको थियो । सरकारले आर्थिक वर्ष २०६६÷६७ को वार्षिक नीति तथा कार्यक्रममार्फत यो कार्यक्रम शुरु गरेको हो । यो बायोमेट्रिक स्मार्ट कार्डमा नेपाली नागरिकको धेरै तथ्याङ भण्डारण गर्न सकिनेछ । यसमा नागरिकका वैयक्तिक तथा जैविक विवरण संग्रह गरिन्छ । राष्ट्रिय परिचयपत्रमा व्यक्तिको फोटो, औंलाको छाप रहनेछन् । त्यसलाई जैविक विवरण भनिन्छ । वैयक्तिक पहिचानअन्तर्गत व्यक्तिको नाम, थर, ठेगाना, उमेर, लिंग तथा त्यस्तै अन्य व्यक्तिगत विवरणहरू पर्छन् । नागरिकका विवरणलाई सुरक्षित राख्न २४ प्रकारका सुरक्षण विधि अपनाइएको छ । चारवटा औँलाको छाप, तस्वीर हुन्छ भने केन्द्रले वितरण गर्न लागेको राष्ट्रिय परिचयपत्रमा १० वटै औँलाको छाप रहनेछ । यो परिचयपत्रको वितरणपछि सरकारले जारी गरेका अन्य विविध परिचयपत्रहरू क्रमशः विस्थापित हुनेछन् । एउटा नेपाली नागरिकले नागरिकता प्रमाणपत्र, लाइसेन्स, कर्मचारी परिचयपत्र, नागरिक लगानी कोष, सञ्चयकोष, मतदाता परिचयपत्रजस्ता थरीथरीका परिचयपत्र बोक्नुपर्ने अवस्था छ । हाल ६० हजार राष्ट्रिय परिचयपत्र छपाइ क्रममा रहेका छ, पाँचथर जिल्लाका ८० हजार नागरिकको बायोमेट्रिक सूचना संकलन भई वितरण कार्य शुरु भएको छ । सिंहदरबारभित्र कार्यरत ३ हजार कर्मचारीले परिचयपत्र प्राप्त गरिसकेका र ७ हजारको विवरण संकलन भइसकेको छ । नेपालको संविधानको धारा ५१ मा एकीकृत राष्ट्रिय परिचयपत्र व्यवस्थापन सूचना प्रणाली विकास गरी नागरिकलाई सबै प्रकारका सूचना र विवरण एकीकृतरुपमा व्यवस्था गर्ने उल्लेख गरिएको छ । गृह मन्त्रालयअन्तर्गत रहने गरी वि.सं. २०६७ साउन १ गते राष्ट्रिय परिचयपत्र व्यवस्थापन केन्द्र स्थापना गरिएको थियो । सरकारले आर्थिक वर्ष २०६६÷६७ को वार्षिक नीति तथा कार्यक्रममार्फत यो कार्यक्रम शुरु गरेको हो । राष्ट्रिय परिचयपत्र भनेको नागरिकहरूको राष्ट्रिय पहिचानसहितको कानुनी दस्तावेज हो । यो परिचयपत्र पाउनका लागि १६ वर्ष उमेर पूरा भएको, नेपाली नागरिकताको प्रमाणपत्र लिएको र नागरिकता प्राप्त गर्न आवश्यक पर्ने योग्यता पूरा भएको हुनुपर्नेछ । तीन तहमा सुरक्षाको प्रबन्ध गरिएको छ । परिचयपत्र छपाइ कार्य सिंहदरबारभित्र मात्र हुन्छ । सूचना भण्डारको साँचो प्रधानमन्त्री तथा मन्त्रिपरिषद्को कार्यालयका सचिव, गृहसचिव, राष्ट्रिय परिचयपत्र तथा पञ्जीकरण विभागका महानिर्देशकमा रहने व्यवस्था मिलाइएको छ ।