April 13, 2021, Tuesday
३१ चैत्र २०७७, मंगलवार

सवारी चढनेको स्रोत खोज्ने

सवारी चढनेको स्रोत खोज्ने

मंगलबारदेखि राजधानीको भृकुटीमण्डपमा शुरु भएको नाडा अटो शोमा करिब तीन दर्जन ब्राण्डका कार, जीप, मोटर साईकल शोकेश गरिएका छन् । अर्थमन्त्री युवराज खतिवडाले मात्र एक दर्जन भन्दा बढी नयाँँ सवारीको पर्दा उघारे । त्यसमा एउटा बाइक पनि थियो । उनले मूल्य नियालेर हेरे । जसको मूल्य ५७ लाख ५० हजार रुपैयाँ तोकिएको छ । बाइकको बिक्री संख्याबारे चासो राखे र स्टलबाट फर्किए । नाडाका अध्यक्ष शम्भु दाहालसँग कुरा गर्दै अर्थमन्त्री खतिवडाले भने–‘यी बाइक चढ्नेले कति आयकर तिर्छन, हेर्नुपर्छ ।’ यस्को जवाफ कसैसित भिएन, सबै पदाधिकारी फिस्स हाँसे मात्र । सवारीको भ्रमण गरेपछि खतिवडाको ध्यान बैंकको स्टलमा गयो । गाडीको स्टलको अगाडि बैंकको स्टल । सानो, कुचुक्क परेको, लाइट कम भएको ग्लोबल आईएमई बैंकको स्टलमा अर्थमन्त्री निकै बेर रोकिए । ग्लोबलले आफ्नो स्टलमा ९.९९ प्रतिशत ब्याजमा कर्जा दिने जानकारीसहितको फ्लेक्समा मन्त्री खतिवडाको आँखा पुग्यो । स्टलमा भएका कर्मचारीलाई अर्थमन्त्रीले सोधे कति समयको लागि हो यो ब्याज ? कर्मचारी एक अर्कामा मुखामुख गरे । अर्थमन्त्रीले फेरी सोधे । ‘अहिले ९.९९ मा कर्जा दिनुहुन्छ । कति समयपछि ११ प्रतिशत बनाउनु हुन्छ, कति समयपछि १३ प्रतिशत बनाउनु हुन्छ ?’ यस्को जवाफ पनि कसैसित थिएन । यस्को अर्थ थियो अर्थमन्त्री डा. युवराज खतिवडालाई बैंकहरुले ब्याज दरमा खेलवाड गरेको संशा थियो । अर्को एक÷दुई बर्ष एकल अंकको ब्याज दरमा ऋण दिन नसक्ने बैंकहरुले बताइँरहँदा अहिले गाडी किन्न भने एकल अंकमा ऋण दिइरहेको प्रशङ्ग उल्लेख गर्दै अर्थमन्त्रीले ग्राहकमाथि खेलवाड नगर्न सचेत गराएका हुन् । बैंकहरुले मध्यमकालिन रोडम्याप तय नगरे बैंकिङ तरलता अभावको समस्या भोगिरहनु अवस्था आएको समय बैंकले ब्याजमा खेलवाड गर्दा आफूले संसदमा जवाफ दिनु परेको गुनासो समेत खतिवडाको थियो । पछिल्लो समय आर्थिक क्रियाकलापमा सुस्तता आएको तथा व्यवसायिक उत्साह नभएको आरोप लागेको प्रशङ्ग आँफैले उठाएर उनले भने ‘बैंकमा यति धेरै कर्जाको माग छ । यदि बैंकहरुले स्रोत भएर खुरु खुरु लगानी गर्न पाउने हो भने अबको दुई वर्षलाई पुग्ने माग अहिले सृजना भएको छ । उनले दर्ता हुने उद्योगको संख्या बढेको र विदेशी धेरै कम्पनी नेपाल आएन खोजेकोसमेत बताए । ’विदेशी लगानीको लागि ३१ खर्बको प्रतिवद्धता आएको छ । विदेशी लगानी गर्नेहरुले पनि स्वदेशी बैंकिङ प्रणालीबाट कर्जा प्रवाह गर्न खोजिरहेका छन् ।