April 13, 2021, Tuesday
३१ चैत्र २०७७, मंगलवार

नेपाल स्वास्थ्यकर्मी संघको चुनाबी लहर, भित्र भित्रै एकले अर्कोलाई सिध्याउने खेल

नेपाल स्वास्थ्यकर्मी संघको चुनाबी लहर,  भित्र भित्रै एकले अर्कोलाई सिध्याउने खेल

२१ कात्तिक २०७६, काठमाडौ – चर्को असहमति र विवादका कारण अनिनिश्च रहेको नेपाली काङ्गेसको भात्तिसंस्था नेपाल स्वास्थ्यकर्मी संघको (होपोन) ७ औं महाधिवेशन कार्तिक २२ र २३ गते काठमाडौंमा हुने भएको छ । पटक पटकको छलफल र वार्तापछि संघ अधिवेशन गर्ने निर्णयमा पुगेको हो । चुनाब आएसँगै समुह बनाउँदै एकले अर्का पक्षको खेदो खन्न थालिएको छ ।
संघमा असन्तुष्ट पक्षले अध्यक्ष रामजी घिमिरेले संघमा दुवै कार्यकाल मनपरी गरेको र जथाभावी रुपमा सदस्य थप गरेको आरोप लागाइदै आएको छ । सो समुहले यस अगाडि संगठन झोलामा राखि तानाशाही बनेको भन्दै बैंठकमा नै आपत्ती जनाउँदै आएका छन् । उनि भष्ट्राचारी नेता गोविंद राज जोशी र देऊवा निकट मानिन्छन् । उनले संस्थालाई आफ्नो बसमा राख्नको लागि काठमाडौंमा अनियमित तरिकाले सदस्यता वितरण गरेको आरोप लाग्ने गरेकोछ । काठमाडौका निजी स्वास्थ्यमा हुदै नभएको सगठनबाट पनि नक्कली संघ गठन गरेर अध्यक्ष घिमिरेले एक सय पचास भन्दा बढी फर्जी सदस्य बनाएको आरोप छ ।
पछिल्लो समय मोरङ, भक्तपुर, कालिकोट, पर्वत, जिल्लाको प्रतिनिधि सदर गर्ने गर्ने विषयमा विभाद देखिदा सदस्यता सदर गर्ने सहमति भएपछि संघको अधिवेशन गर्ने टुंगो लागेको हो । अध्यक्ष घिमिरे र उनका समुहले आफुलाई भोट नआउने जिल्लालाई अधिवेशन हुदै छ भनेर खबरै नगरी संघको चुनाब गराउँने प्रयत्न गरेको प्रतिस्पर्धीले आरोप लगाउने गरेका छन् ।


अधिवेशनका लागि देशभरबाट ६ सय ५० प्रतिनिधि काठमाडौंमा उपस्थित हुनेछन् । संघमा अहिले १८ हजारभन्दा बढी क्रियाशील सदस्य रहेका छन् । उनीहरुका तर्फबाट प्रतिनिधित्व गर्दै ६ सय ५० प्रतिनिधि राजधानी आउने छन् । प्रतिनिधीहरुले संघको नयाँ कार्यसमिति चयन गर्नेछ । संघको अध्यक्षमा भ्रष्ट्राचार मुद्दाको आरोप लागेका हालका अध्यक्ष घिमिरे सहित सहअध्यक्ष ओमप्रसाद उपाध्याय चुनावी मैदानमा उत्रने बताइएको छ । घिमिरेको भ्रष्ट्राचार मुद्दा सर्वोच्च अदालतमा बिचाराधिन छ । घिमिरेले संघमा रहँदा एक्लौटी ढंगले काम गरेको, पिएसआइको तालिम संघ केन्द्रीय समिति लाई थाहै नदिई आफू र आफुनिकटलाई मात्र लाने गरेको, पिएसआईबाट नेतृत्व विकासको लाई भन्दै डेढ करोड भन्दा बढी रकम हिनामिना गरेको आरोप लाग्दै आएको छ । उनलाई संघको भन्दा व्यक्तिगत हितमा लागेको आरोप, स्वास्थ्य मन्त्रालय माताहतका बिभिन्न कार्यलय प्रमुख सँग संग चन्दा भन्दै अनियमित रकम असुर गर्दे आफूअनुकुल प्रयोग गरेको आरोप लाग्दै आएको छ । घिमिरेले एउटै नाममा दुईवटा संस्थासमेत दर्ता गरेको फेला परेको छ ।