April 14, 2021, Wednesday
१ बैशाख २०७८, बुधबार

नेपाल बैंकले गर्यो ऋणपत्र निष्काशन

नेपाल बैंकले गर्यो ऋणपत्र निष्काशन

०२ मंसिर, २०७६, काठमाडौं । नेपाल बैंक लिमिटेडले २ अर्ब ५० करोड बराबरको डिबेन्चर वार्षिक १० प्रतिशत व्याज सहित सात वर्षको लागि निष्काशन गरेको छ । कूल २५ लाख कित्ता डिबेन्चर मध्ये १५ लाख कित्ता डिबेन्चर व्यक्तिगत तवरबाट र १० लाख कित्ता डिबेन्चर सर्वसाधारणमा निष्काशन गरिने बैंकले जनाएको छ ।
बैंकले डिबेन्चर निष्काशनका लागि नबिल इन्भेष्टमेन्ट बैंकिङ्ग लिमिटेडलाई निष्काशन तथा बिक्री प्रबन्धकमा नियुक्त गरेको छ ।
उक्त कार्यको लागि नेपाल बैंक लिमिटेडको तर्फबाट प्रमुख कार्यकारी अधिकृत कृष्ण बहादुर अधिकारी र नबिल इन्भेष्टमेन्ट बैंकिङ्ग लिमिटेडको तर्फबाट प्रमुख कार्यकारी अधिकृत सबिर बादे श्रेष्ठका बीचमा डिबेन्चर शेयर निष्काशन गर्ने सम्झौता भएको छ ।
बैंकको ‘१० प्रतिशत एनबिएल डिबेन्चर २०८३’ २ अर्ब ५० करोड बराबरको डिबेन्चर १० प्रतिशत व्याज सहित सात वर्षको लागि निष्काशन गर्न लागेको हो ।