May 13, 2021, Thursday
३० बैशाख २०७८, बिहीबार

‘चपली हाइट’ को तेस्रो श्रृंखलाको शुभ मुहूर्त

‘चपली हाइट’ को तेस्रो श्रृंखलाको शुभ मुहूर्त

अभिनेत्री विनिता बराल स्टारर सुपरहिट चलचित्र ‘चपली हाइट’ को तेस्रो श्रृंखलाको शुभ मुहूर्त गरिएको छ । मंगलबार काठमाडौंको बुङमती र खोकना गाउको बीचमा अवस्थित कार्य विनायक मन्दिरमा स्क्रिप्ट, क्ल्याप र क्यामेरा पूजा गरेर चलचत्रको मुहूर्त गरिएको हो । चलचित्रको मंसिर ५ गतेबाट छायांकन सुरु हुँदैछ । भने, एक महिनाको सुटिङ सेड्युल राखिएको छ । महूर्त समारोहमा अभिनेत्री द्वय स्वस्तिमा खड्का र सुपुष्पा भट्ट, अभिनेता आमिर गौतम, नव–अभिनेता द्वय महेश त्रिपाठी र प्रतिक श्रेष्ठसँगै निर्माता अर्जुन कुमार, निर्देशक निकेश खड्कालगायतले एकसाथ क्लाप गरेका छन् । अघिल्ला दुई सिरिजभन्दा ‘चपली हाइट ३’ फरक कथामा प्रस्तुत हुने छ । चैतमा प्रदर्शनमा ल्याउने तयारी गरिएको ‘चपली हाइट ३’ लाई अर्जुन कुमार फिल्मस् र केडिसी हस्पिटलले मिलेर निर्माण गर्न लागेको हो ।