निमा बनिन्, उसुबाट सागमा लगातार दुई स्वर्ण जित्ने पहिलो नेपाली खेलाडी

१९, मंसिर, २०७६, काठमाण्डौँ । १३ औं दक्षिण एसियाली खेलकुद (साग)मा उसुकी नीमा घर्ती मगरले लगातार दुई स्वर्ण जितेसँगै उसुबाट सागमा लगातार दुई स्वर्ण जित्ने उनी पहिलो खेलाडी समेत बनिन् ।

थोत्रो म्याटमै अभ्यास गरेकी निमा घर्तीमगरले बिहीबार नेपालका लागि स्वर्ण जितेकी हुन् । लगनखेलस्थित आर्मीको कभर्डहलमा बिहीबार थाउलोको महिला नान्दोमा कुल १८.९१ अंक जोडेर निमाले सागमा दोस्रो स्वर्ण जितेकी हुन् ।
निमाको स्वर्णसँगै जारी सागमा नेपालको स्वर्ण संख्या ३० पुगेको छ ।