ग्रिनहिल सिटी समाज शहर भित्रको ब्यावस्थित शहर भएको पूर्व प्रधानमन्त्री नेपालको दावी

ग्रिनहिल सिटी समाज शहर भित्रको ब्यावस्थित शहर भएको पूर्व प्रधानमन्त्री नेपालको दावी

शनिवार २१, मंसिर, २०७६ काठमाडौं
ग्रिनहिल सिटी शहर भित्रको ब्यवस्थित शहर भएको पूर्व प्रधानमन्त्री माधवकुमार नेपालले बताउँनु भएको छ । ग्रिनहिल सिटी समाज कागेश्वरी मनोहरा न.पा. वडा नम्बर ६, मुलपानी, काठमाडौंको शनिवार प्रथम वार्षिक साधारण सभालाई सम्बोधन गर्दे पूर्व प्रधानमन्त्री माधवकुमार नेपाल उक्त कुरा बताउँनु भएको हो ।

बि.स.२०६८ सालबाट ग्रिनहिल सिटी कोलोनीको रुपमा बिकास भईरहेको आवास क्षेत्र देशका विभिन्न जिल्लाबाट आई विभिन्न पेशा ब्यवसाय अंगाल्ने मानिसहरुको बसोबास भईरहेको सम्भवतः देशकै ठूलो र व्यवस्थित कोलोनी मध्येको एक हो । करिब ३२० रोपनी जग्गामा फैलेको ८ सयसम्म घर रहने यो कोलोनमिा हाल करिब ४ सय घर तयार छन् भने अन्य घरहरु निर्माणको अवस्थामा छन् । साधारण सभामा कार्य प्रगति प्रतिवेदन, आय ब्यय विवरण, भावि योजना लगायतका विभिन्न प्रस्ताबहरु पारित भएका छन् । ग्रिनहिल सिटी भित्र हाल सहकारी संस्था, जिम क्लब, योगा, डान्स, खेलकुख क्षेत्र, ग्रोसरी आदि रहेका छन् ।

समाजका अध्यक्ष श्री बिश्वराज पौडेल(किरण)को सभापतित्वमा सम्पन्न भएको कार्यक्रम कोषाध्यक्ष श्री ईश्वर उप्रेतीले संचालन गर्नु भएको थियो । अध्यक्ष पौडेलले समग्र समाजको प्रगति विवरण राख्नुभयो । साधारण सभामा कागेश्वरी मनोहरा नगरका प्रमुख श्री कृष्णहरि थापा, कागेश्वरी मनोहरा नगर वडा नम्बर ६ का अध्यक्ष श्री प्रकाश फुयाल, गोकर्णेश्वर नगर वडा नम्बर ७ का अध्यक्ष श्री केशब गुरुङ्ग, ग्रिनहिल सिटी कम्पनीका प्रतिनीधि लगायत समाजका सदस्यहरको भब्य उपस्थिति रहेको थियो ।