April 13, 2021, Tuesday
३१ चैत्र २०७७, मंगलवार

गौरिकाको तेस्रो स्वर्ण, बन्यो नयाँ इतिहास

गौरिकाको तेस्रो स्वर्ण, बन्यो नयाँ इतिहास

नेपाली जलपरीको उपमा पायकी गौरिका सिंहले दक्षिण एसियाली खेलकुद (साग) तेस्रो स्वर्ण जित्दै नयाँ इतिहास इतिहास बनाएकी छिन् । यससँगै उनी सागको एउटै संस्करणमा तीन स्वर्ण जिच्त्ने पहिलो नेपाली खेलाडी बनेकी छन् । १३औं सागको पौडी अन्तरगत ४०० मिटर फ्री स्टाइलमा उनले स्वर्ण जितेकी हुन् । सातदोबाटोस्थित पौडी पोखरीमा उनले निर्धा्रित दुरी ४ मिनेट २५.२८ सेकेण्डमा पुरी गरिन् । ४ मिनेट २६.२२ मिनेटमा निर्धा्रित दुरी पार गरेकी भारतकी सिभांगी शर्माले रजत र ४ मिनेट ४१.९१ मा दुरी पार गरेकी श्रीलंकाकी रमुदी नुरालाले काश्य जितेकी छन् ।
उनले २०० मिटर फ्री स्टायल र ब्याकस्ट्रोकमा स्वर्ण जितेकी थिइन् । यस्तै १०० मिटर ब्याकस्ट्रोकमा रजत पदक जितेकी छन् भने महिला ४ सय मिटर फ्री स्टायलमा गौरिकासहितको टिमले काश्य जितेको छ ।