April 13, 2021, Tuesday
३१ चैत्र २०७७, मंगलवार

खुल्दैछन् आधुनिक सिनेमा हलहरु, घट्दैछ नेपाली फिल्मको भने ब्यापार

खुल्दैछन् आधुनिक सिनेमा हलहरु, घट्दैछ नेपाली फिल्मको भने ब्यापार

संगीता पौडेल
पुष ४, काठमाडौं ।
शुक्रबारबाट चितवनको भरतपुर हाइटस्थित व्यापारिक कम्प्लेक्स सिजी ल्यान्डमार्कमा ‘सिनेप्लेक्स’ नामबाट मल्टिप्लेक्स (सिनेमा घर) संचालनमा आएको छ । सिनेप्लेक्स सञ्चालक कमल चौधरीका अनुसार उक्त हल अत्याधुनिक सुविधायुक्त दुईवटा स्क्रिन निमार्ण भएको छ । स्क्रिन १ मा १४३ र २ मा २१९ सिट रहेको उक्तहल चितवन र आसपास क्षेत्रका सिनेप्रेमीका लागि पछिल्लो बार्को प्रोजेक्सन र थ्रीडी कम्प्याटिबल स्क्रिन लगाएको छ ।
चितबनमा जस्तै विराटनगरमा अधिल्लो हप्ता क्युएफएक्सले नयाँ सिनेमा हल संचालनमा ल्याएको छ । भाटभटेनी सुपरमार्केटमा सिनेमा हल शुभारम्भ गरिएको हो । क्युएफएक्सका सीईओ रोशन अडिगाका अनुसार यो उनको सस्थाले लगानी गरेको २७ औं हाल हो । रिगल सिनेमाजको लगानी रहेको यो (बिराटनगर), तथा भर्खरै खुलेका दुई (बुटवल र भक्तपुर ) समेत गरि क्युएफएक्समा हाल १२ बटा हलमा २७ वटा स्क्रिन रहेका छन् । डेप्थ क्यू थ्रीडी टेक्नोजोलीको प्रयोग गरिएका यि हलहरु पछिल्ले समयका चल्ती का टेक्नोलोजीमा पर्दछन् । यि फिल्म हलमा जसरी लगानी गरिएको छ त्यो हेर्दा पछिल्लो समय फिल्म क्षेत्रमा लगानी बढेर गएको छ । नयाँ पुस्ता बाहिर सिनेमा पढेर आउने गर्न थालेको र राम्रा सिनेमा बनाउने क्रम बढ्दा बजारसमेत बढेको मान्न सकिन्छ । विराटनगरको हलमासमेत डलबी एटम्स साउन्ड सिस्टम जडान गरिएको छ । योसँगै विराटनगरमा मल्टिप्लेक्सको संख्या ६ पुगेको छ । यसअघिका हिमालय टाकिज र अरुण सिनेमा पनि सिनेमा पनि सञ्चालनमा छन् ।
नेपालमा फिल्म हल धमाधम थपिएको समय नेपाली फिल्मले भने धमाधम लागनी धुमाउँदै गएका छन् । एक बर्षको समिक्षा गर्दा बर्ष भरी निर्माण हुने सय नेपाली फिल्म मध्ये मात्र ५ बटाले राम्रो ब्यापार गर्ने गरेका छन् । यस वर्षको बैशाख अन्तिममा प्रदर्शनमा आएको फिल्म ‘दाल भात तरकारी’ ले आलोचनाका बावजूद पनि नाफाको व्यापार ग¥योे । मह जोडीप्रति दर्शकको विश्वास भएका कारण यो फिल्मले बक्सअफिसमा असफल हुनु नपरेको कतिपयको निष्कर्ष छ । यसपछि जेठको पहिलो हप्ता प्रदर्शनमा आएको सुपरहिट फिल्म ‘जात्रा’ को सिक्वेल ‘जात्रै जात्रा’ ले पनि केही लोभलाग्दो कमाई ग¥योे ।
यसपछि तीन महिना (असार साउन र भदौ) कुनै फिल्म चलेनन् । असोजको पहिलो हप्ता प्रदर्शनमा आएको सुपरहिट फिल्म ‘कबड्डी’ को तेस्रो सिक्वेलले बक्सअफिसमा धूम मच्चायो । प्रदर्शनको ५१ औं दिनसम्ममा १३ करोडभन्दा बढी कमाउँदै ‘कबड्डी ३’ यस वर्षको ब्लकबस्टर फिल्म साबित भयो । यसको करीब २० दिनपछि फिल्म ‘छ माया छपक्कै’ प्रदर्शनमा आएको थियो ।
यसअघि पाँचवटा ब्लकबस्टर फिल्म दिएको दीपकराज गिरीको समुह यो पटक पनि सफलताको स्वाद चाख्नबाट बञ्चित भएन । यो फिल्मले प्रदर्शनको ५१औं दिनसम्ममा १४ करोडको आसपास व्यापार गर्दै वर्षकै सबैभन्दा धेरै कमाउने फिल्मको रेकर्ड बनाएको छ । तर, असोजले बिदा मागेसँगै नेपाली फिल्मको व्यापार पूरै सुस्ताएको छ । कुनै फिल्मले हलमा दर्शक तान्न सकेका छैनन् ।
यस वर्ष निकै आश गरिएका फिल्ममध्ये ‘वीर विक्रम २’, ‘रातो टीका निधारमा’, ‘हजार जुनीसम्म’, ‘मारुनी’, ‘जाइरा’, ‘पोइ प¥यो काले’, ‘घामड शेरे’, ‘चच हुई’, ‘माछा माछा’ ले बक्सअफिस तताउने ठूलो अपेक्षा थियो । तर, कुनैले न राम्रो व्यापार गर्न सके न त दर्शकलाई सन्तुष्ट बनाउन नै बनाउन सके । अहिले नेपाली फिल्म हलहरु धमाधम थपिदै गर्दा नेपाली फिल्म भने चल्ने छाडेका छन् । नेपाली फिल्म लाग्ने साथ अहिले हल दर्शक नभएर चकमन्न छ । प्रायः सिंगल थिएटर (हल) बन्द हुने अवस्थामा छन् ।
वितरक करन श्रेष्ठ अहिले फिल्म चल्न छाड्नुको कारण चिसो मौसमलाई मान्दैनन् । उनी भन्छन, ‘फिल्म राम्रो छ भने दर्शकलाई मौसमले हल जान रोक्दैन । अहिले कि स्टारडम भएका कलाकारको फिल्म चल्छ कि त ठूला ब्यानरका ।’ अहिले दर्शकले ब्रान्ड बनिसकेका फिल्मका सिरिज र टिमका फिल्म मात्र हेर्न थालेको अवस्था छ । उनी अगाडि थप्छन् ।
मनोरञ्जनको ग्यारेन्टी गर्न नसक्ने फिल्मलाई दर्शकले साथ नदिने उनको कथन छ । अहिले फिल्म नचल्नुको कारण पनि उनी यही मान्छन् । चिसो मौसम कुनै कारण हुनसक्छ ? फिल्मीखबरको प्रश्नमा उनले भने, ‘बिहानी र रात्री सोजमा केही हदसम्म असर गर्छ तर दिवा सोजलाई गर्दैनन् । अहिले दिउँसो पनि हलमा दर्शक छैनन् । यसको कारण फिल्म राम्रो नभएरै हो हुन् ।’
आश गरिएका फिल्म समेत नचल्दा अहिले फिल्म निर्माण र प्रदर्शन गर्न लागेका निर्माताहरु नराम्रोसँग तर्सिएका छन् । गत वर्ष दशैंपछि कुनै नेपाली फिल्म नचल्दा फिल्म क्षेत्र धरासायी हुने अवस्थामा पुगेको थियो । यो अवस्था यस वर्ष पनि दोहोरिने देखिएको छ । गुणस्तर फिल्ममा जोड नदिने हो भने नेपाली फिल्म क्षेत्रमा चाँडै संकटकाल घोषणा गर्नुपर्ने अवस्था नआउला भन्न सकिन्न ।