May 13, 2021, Thursday
३० बैशाख २०७८, बिहीबार

भ्रमण वर्षको उद्घाटनका लागि पाँच जना अनिवार्य उपस्थित गराउन मन्त्रालयको उर्दी

भ्रमण वर्षको उद्घाटनका लागि पाँच जना अनिवार्य उपस्थित गराउन मन्त्रालयको उर्दी

पुस ८, काठमाडौं ।
वर्षको पहिलो दिन जनवरी १ मा त्रिपुरेश्वरस्थित दशरथ रंगशालामा हजारौं मानिसहरुको बीचमा राष्ट्रपति विद्यादेवी भण्डारीले उद्घाटन गर्नेछिन् । नेपाल भ्रमण वर्ष २०२० लाई उद्धाटन गर्न सरकारले रङ्गशालामा १० लाख जनाको सहभागिता गराउँने भएको छ ।
भ्रमण वर्षको उद्घाटनमा ४० वटा देशका पर्यटनमन्त्री, सम्पूर्ण निजामति तथा सरकारी कर्मचारी, सबै प्रदेशका कार्यकारीहरु, मन्त्रिहरु तथा सम्पूर्ण क्षेत्रबाट मानिसहरु सहभागी गराइनेछ ।
यसका लागि पर्यटनसँग सम्बन्धित र अन्य प्रत्येक संघसंस्थाले ५ जना सहभागिता गराउनुपर्ने उर्दी गरेको छ । क्यालेण्डर नै बनाएर नेपाल भ्रमण वर्ष भित्रै थप ३० मुख्य पर्यटकीय क्षेत्रलाई विस्तार गर्ने लक्ष्यसमेत राखेको नेपाल भ्रमण वर्ष सचिवालयले जनाएको छ ।
राज्यले लिएको लक्ष्य पूरा गर्न निजी क्षेत्रको भूमिका प्रमुख हुने र यसबाट फाइदासमेत निजी क्षेत्रले नै बढी लिने भएकाले सबैले सहयोग गर्न सचिवालयले अनुरोध गरेको हो ।
२० लाख पर्यटक भित्र्याउने लक्ष्य हो, तर ५० लाख पु¥याउने लक्ष्य सरकारले राखेको छ । सरकारले राखेको कार्यक्रमलाई सफल बनाउन उक्त दिन सबैलाई रङ्गशालामा सहभागी हुन समेत भ्रमण वर्ष सचिवालयले आग्रह गरेको छ ।