April 13, 2021, Tuesday
३१ चैत्र २०७७, मंगलवार

‘राधेः योर मोस्ट वान्टेड भाई’ को एक्सन सिनमा सात करोड खर्च

‘राधेः योर मोस्ट वान्टेड भाई’ को एक्सन सिनमा सात करोड खर्च

१४ माघ, २०७६, काठमाडौं ।
अभिनेता सलमान खानको नयाँ फिल्म ‘राधेः योर मोस्ट वान्टेड भाई’ को निर्माण घोषणा भएसंगै यो फिल्ममा ‘वान्टेड’ भन्दा पनि खतरनाक एक्सन रहने भएको छ । यो फिल्मकोे एक्सन सिक्वेन्समा साढे ७ करोड भारतीय रुपैयाँ खर्च गर्न सलमानले अनुमति दिएको भारतीय मिडियाले जनाएको छ ।
‘राधे’ सन् २००९ मा आएको प्रभुदेवा निर्दे्शित फिल्म ‘वान्डेट’ को सिक्वेल बताइएको छ । फिल्ममा सलमानको अपोजिटमा अभिनेत्री दिशा पाटनी देखिँदैछन् । उनीहरुले यसअघि फिल्म ‘भारत’ मा काम गरेका थिए । फिल्मलाई प्रभुदेवाले निर्देशन गरिरहेका छन् । फिल्ममा सलमान पुलिस अफिसरको भूमिकामा हुनेछन् ।
अभिनेता सलमान खानको फिल्म ‘राधे’ को क्लाइमेक्समा हेभी भीएफएक्स टेकनिक प्रयोग गरिनेछ । यसमा जुन प्रकारको लाइट्सको प्रयोग र क्रोमामा सुट गर्ने भएकाले र भीएफएक्समा ब्याकग्राउन्डको डिजिटली हटाइने भएकाले यो निकै महँगो पर्ने भारतीय मिडियाको भनाइ रहेको छ । ‘राधे’ को एक्सन सिक्वेन्समा अभिनेता द्वय सलमान खान र रणदीप हुड्डा भिडन्त गर्दै देखिनेछन् ।