May 14, 2021, Friday
३१ बैशाख २०७८, शुक्रबार

बालुवाटार जग्गा प्रकरणमा सिआइवीद्धारा मुद्धा दर्ता, अव सबैलाई पक्राउ गर्न मिल्ने

बालुवाटार जग्गा प्रकरणमा सिआइवीद्धारा मुद्धा दर्ता, अव सबैलाई पक्राउ गर्न मिल्ने

फागुन ४, काठमाडौं ।
बालुवाटारस्थित ललिता निवास जग्गा हिनामिना प्रकरणका आरोपितविरुद्ध ठगी मुद्दा दर्ता भएको छ । गृहमन्त्रालयको जाहेरीपछि प्रहरीको केन्द्रीय अनुसन्धान ब्यूरो सीआईबीले काठमाडौ जिल्ला अदालतमा आज मुद्दा दर्ता गरेको हो । मुद्दा दर्ता भएसँगै अब सीआईबीले आरोपितलाई पक्राउ गरेर थप अनुसन्धान गर्ने सक्ने छ । गृह मन्त्रालय अन्र्तगतको समरजंग कम्पनीले जग्गा हडप्ने र व्यक्तिका नाममा लालपूर्जा बनाउन भूमिका खेल्ने पूर्व उपप्रधानमन्त्री विजयकुमार गच्छदारसहित ४ पूर्वमन्त्री, ३ पूर्वसचिव समेत १ सय ७२ जना माथि मुलुकी ऐन, २०२० र मुलुकी अपराध संहिता ऐन, २०७४ अनुसार ठगी र किर्तेको अभियोगमा किटानी जाहेरी दिएको थियो ।
जग्गा हत्याउन २०४९ सालमा ४८ जना, २०६१ मा २१ जना, २०६६ मा ६६ जना र २०६९ मा ३७ गरी १ सय ७२ जनाले किर्ते र ठगी गरेको भन्दै सीआईबीले आरोपितमाथि मुद्दा चलाउनुपर्ने राय गृहलाई दिएको थियो । ललिता निवासको १ सय ३६ रोपनी जग्गा हिनामिना प्रकरणमा अख्तियार दुरुपयोग अनुसन्धान आयोगले गत माघ २२ गते गच्छदारसहित १ सय १० जनालाई बिगो र कैद तथा ६५ जनाविरुद्ध जग्गा फिर्ताको मागदाबीसहित विशेष अदालतमा आरोपपत्र दायर गरिसकेको छ । ललिता निवासको जग्गा सूवर्ण शम्सेर तथा उनका आफन्ताबाट २०२१ सालमा सरकारले मुआब्जा दिएर गृह मन्त्रालयको सरकारी कार्यालय समरजंग कम्पनीको रेखदेख र स्वामित्वमा रहने गरी कायम गरेको थियो ।