May 13, 2021, Thursday
३० बैशाख २०७८, बिहीबार

नदिजन्य पदार्थ उत्खनन गर्ने मोतीदान कन्स्ट्रक्सन ले तिर्यो ७३ लाख जरिवाना

नदिजन्य पदार्थ उत्खनन गर्ने  मोतीदान कन्स्ट्रक्सन  ले तिर्यो  ७३ लाख जरिवाना

१४ फागुन, काठमाडौं ।
ठेक्का सम्झौता भन्दा बढि नदिजन्य पदार्थ उत्खनन गर्ने मोतीदान कन्स्ट्रक्सन सेवा प्रा.लि. ले ७३ लाख जरिवाना तिरेको छ । जिल्ला समन्वय समिति मकवानपुरले हेटौंडा उपमहानगरभित्र तोकिएको भन्दा बढी ढुंगा, गिट्टी, बालुवा उत्खनन गरेको भन्दै उक्त कम्पनी लाई जरिवाना तिराएको हो  ।
जिल्ला समन्वय समितिले २०७६ असार ५ गते सम्झौता उलंघन गरेको भन्दै मोतीदान कन्स्ट्रक्सन लाई ७३ लाख १३ हजार ८३३ रुपैयाँ जरिवाना गर्ने निर्णय गरेको थियो । उक्त कन्स्ट्रक्सनले तोकिएभन्दा २० हजार ६४८ घनमिटर नदीजन्य पदार्थ बढी उत्खनन गरेको थियो ।
कन्स्ट्रक्सनले उक्त निर्णय लाई मनन् गर्दै हेटौंडा इजलासमा जिसस र हेटौंडा उपमहानगर विरुद्ध मुद्दा दायर गरेको थियो । अदालतले २०७६ माघ ९ मा जिससले गरेको निर्णयको पक्षमा फैसला गरेपछि कम्पनीले जरिवाना रकम तिरेको हो । कम्पनीले उक्त रकम जिल्ला समन्वय समितिको राजस्व खातामा दाखिला गरेको छ ।