May 13, 2021, Thursday
३० बैशाख २०७८, बिहीबार

देशका मुख्य चार शहरमा इन्टरनेटमा आधारित टेलिभिजन सेवा उपलब्ध गराउँदै नेपाल टेलिकम

देशका मुख्य चार शहरमा इन्टरनेटमा आधारित टेलिभिजन सेवा उपलब्ध गराउँदै नेपाल टेलिकम

१९ फागुन, काठमाण्डौ ।
सरकारी दूरसञ्चार कम्पनी नेपाल टेलिकमले इन्टरनेटमा आधारित टेलिभिजन (आईपीटीभी) सेवा आगामी वैशाख १ गतेबाट उपलब्ध गराउने भएको छ । यो टेलिभिजन सेवा इन्टरनेटमा आधारित टेलिफोन सेवासँगै दिन लागेको कम्पनीले जनाएको छ । हाललाई यो सेवा अप्टिकल फाइबर भएका मुख्य चार शहरहरूमा उपलब्ध गराउन लागेको नेपाल टेलिकमले जनाएको छ । त्यसपछी क्रमशः अरु क्षेत्रमा पनि यो सेवा विस्तार गर्दै लैजाने टेलिकमको योजना रहेको छ ।
इन्टरनेटसँगै टेलिभिजन सेवा दिन कम्पनीले केही दिन अगाडी परीक्षण प्रशारण सम्पन्न गरेसँगै यो सेवा आउँदो वैशाख १ देखि ग्राहकलाई उपलब्ध गराउने कम्पनीको योजना रहेको छ ।
हाल यो सेवा वल्र्ड्लिंक, भायनेट, सुविसु, क्लासिक टेक लगायतका इन्टरनेट सेवा प्रदायक कम्पनीले इन्टरनेटमा आधारित टेलिभिजन सेवा प्रदान गर्दै आएका छन् । ती कम्पनीहरूले जस्तै टेलिकमले पनि अब ग्राहकलाई इन्टरेनटसँगै टेलिभिजन सेवा उपलब्ध गराउन लागेको हो ।
हाल नेपाल टेलिकमबाट १ करोड ३ लाख २२ हवार इन्टरनेट सेवा लिने ९ सय ४२ जनाले इन्टरनेट सेवा लिइरहेका छन् । यो कुल इन्टरनेटकर्ताको करिब ४९ प्रतिशत हो ।