May 13, 2021, Thursday
३० बैशाख २०७८, बिहीबार

पहिलो पल्ट मिगौंला प्रत्यारोपण गर्ने एपोलोका डाक्टरले नै ओलीको दोस्रो मिगौंला पनि प्रत्यारोपण गर्ने

पहिलो पल्ट मिगौंला प्रत्यारोपण गर्ने एपोलोका डाक्टरले नै ओलीको दोस्रो मिगौंला पनि प्रत्यारोपण गर्ने

फागुन १९, काठमाडौं ।
प्रधानमन्त्री केपी शर्मा ओलीको दोस्रो पल्ट मिर्गौला प्रत्यारोपण त्रिवि शिक्षण अस्पतालमै हुने भएको छ । चिकित्सकहरुले मनमोहन कार्डियो भास्कुलर एन्ड ट्रान्सप्लान्ट सेन्टरमा अप्रेशनबारे छलफल गरे पनि त्रिवि शिक्षणमै हुने भएको हो । त्यस्को लागि नयाँदिल्लीको इन्द्रप्रस्थ अपोलो अस्पतालबाट ओलीको मिर्गौला प्रत्यारोपणका लागि दुईजना चिकित्सक काठमाडौं आइपुगेका छन् । उनी हरु ओलीको १३ वर्षअघि अगाडि अपोलो अस्पतालमा पहिलो मिर्गौला प्रत्यारोपण गरेका डाक्टर हुन् । उनीहरु नेपाल आइपुगेका छन् । उनीहरुलाई दोस्रो पटक मिर्गौला प्रत्यारोपणका क्रममा नेपालका चिकित्सकहरुलाई साथ दिनेछन् ।
बुधबार गरिने मिर्गौला प्रत्यारोपणका लागि चिकित्सकहरुले आवश्यक तयारी गरेका छन् । ओलीलाई भाञ्जी नाता पर्ने समीक्षा संग्रौला ज्ञवालीले मिर्गौला दिने भएकी छन् । जस्को लागि मिर्गौला दाता समीक्षाको सबै स्वास्थ्य परीक्षण भइसकेको छ । उनी मामा नाता पर्ने प्रधानमन्त्री ओलीलाई मिर्गौला दिनका लागि यसअघि नै तयार भइसकेकी थिइन् । ओलीको ६९औँ जन्मदिनमा पनि उनी बालुवाटार पुगेकी थिइन् । त्यहीँ ओलीले आफूलाई मिर्गौला दिने समीक्षाको चिनजान अरुसँग गराएका थिए ।
चिकित्सकहरुले दोस्रो पटक मिर्गौला प्रत्यारोपण गरेमा कम्तीमा १० वर्षका लागि समस्या नपर्ने बताएका छन् । प्रधामन्त्रीले आफ्नै नातेदारबाट मिर्गौला लिन चाहे अनुसार अब भाञ्जी नाता पर्ने समीक्षा तयार भएकी हुन् ।