April 13, 2021, Tuesday
३१ चैत्र २०७७, मंगलवार

सरकारले वैदेशिक रोजगारमा जाने कामदारको श्रम स्वीकृत नलिने

सरकारले वैदेशिक रोजगारमा जाने कामदारको श्रम स्वीकृत नलिने

२१ फागुन, काठमाडौं ।
चीनबाट सुरु भएको कोरोना भाइरस विश्वव्यापी बनेसँगै सरकारले वैदेशिक रोजगारमा जाने कामदारको श्रम स्वीकृति तत्कालको लागि स्थगन गरेको छ । कोरोना भाईरसको सन्त्रास कम नभएसम्म श्रम स्वीकृती प्रदानको कार्य हाललाई स्थगन गरिएको श्रम तथा सुरक्षा मन्त्रालयले जनाएको छ ।
दक्षिण कोरिया, चीन, इरान, जापान र इटालीको अनअराइभल भिसासमेत रोकेको सरकारले नेपाली श्रमिकको मुख्य गन्तव्य मुलुकमा समेत कोरोनाको प्रभाव तीव्र गतिमा फैलिएपछि संक्रमण जोखिम रहेका मुलुकमा नेपाली कामदार पठाउन बन्द गरेको हो ।
श्रमिक पठाउने विषयमा मंगलबार वैदेशिक रोजगार व्यवसायी संघ र मन्त्रालयबीच छलफल राखिएको थियो । वैदेशिक रोजगार व्यवसायी संघले नेपालमा अहिलेसम्म एकजनामा पनि कोरोना भाइरस भेटिएकोले रोजगारदाता मुलुकले नेपाली श्रमिकलाई रोक नलगाएसम्म नेपालले पनि श्रम स्वीकृतिमा रोक नलगाउन सरकारसँग माग गरेको छ । तर सरकारले कारोना भाईरको सन्त्रास हटेपछि प्रदान गर्ने काम नियमित हुने जनाएको छ ।

हालसम्मको तथ्यांकअनुसार चीनमा दुई हजार ९४५ मानिसको कोरोना भाइरसका कारण मृत्यु भएको छ । दक्षिण कोरियामा २८, इरानमा ७७, इटालीमा ५२, जापानमा ६, फ्रान्समा तीन, अमेरिकामा ६, हङकङमा दुई, थाइल्यान्ड, ताइवान, अस्ट्रेलिया, सनफ्रान्सिस्को र फिलिपिन्समा एक–एकजनाको मृत्यु भएको छ ।
कोरोनाबाट मृत्यु भएका मुलुकबाहेक अन्य गन्तव्य मुलुकले पनि सतर्कता अपनाउन थालेसंगै नेपालले पनि विभिन्न कार्ययोजना बनाएको हो । सरकारले अत्यावस्यक काममा बाहेक घुमफिर,अध्ययन, मनोरञ्जनको लागि विदेश नजान आग्रह गरेको थियो ।