कोरोनाबाट अहिलेसम्म विश्वभर चार हजारभन्दा बढीको मृत्यु, संक्रमित भन्दा निको भएर फर्कनेको संख्या बढ्दै

कोरोनाबाट अहिलेसम्म विश्वभर चार हजारभन्दा बढीको मृत्यु, संक्रमित भन्दा निको भएर फर्कनेको संख्या बढ्दै

२७ फागुन, काठमाडौं ।
फ्रान्सेली समाचार संस्था एएफपीले मङ्गलबार एक सन्देश जारी गर्दै कोरोनाको कारण मृत्यु हुनेको संख्या ४ हजार भन्दा बढी पुगेको जनाएको छ ।
धेरै देशमा फैलिए पनि यसको असर बिस्तारै कम हुँदै गएको छ यस भाइरसबाट एक लाख १४ हजार ४५८ जनामा सङ्क्रमण पुष्टि भएकामा यसमध्ये ६४ हजार १२० जना निको भएर घर फर्किएका छन् ।
हालसम्म चिनमा सबैभन्दा धेरैको मृत्यु भइसकेकोमा चिनपछि दोस्रोमा इटली रहेको पाइएको छ ।
चीनमा मात्रै संक्रमितको संख्या ८० हजार ७ सय ५४ पुगे पनि ५० हजार भन्दा बढी निको भएर घर फर्किसकेका छन् । त्यसैगरी दक्षिण कोरियामा सात हजार ५१३ जना सङ्क्रमित रहेका र ५४ जनाको मृत्यु भएको जनाइएको छ ।
इरानबाट २ हजार ३९४ जना निको भएर फर्केका छन् । इटालीमा ७२४ जना घर फर्केका छन् ।

विश्वका विभिन्न तथ्याङ्कबारे जानकारी राख्ने वेभसाइट वल्डोमिटरका अनुसार कोरोना भाइरसको सङ्क्रमणपछि उपचार गराएर घर फर्किनेको सङ्ख्या ९४ प्रतिशत रहेको छ ।

बङ्गलादेश र, अल्बानिया पाराग्वेमा तीन ओटा नयाँ देशमा कोभिड–१९ का सङ्क्रमण देखिएपछि विश्वव्यापी स्वास्थ्य चुनौतीको चिन्ता बनेको कोरोना भाइरस संसार ११० देशमा फैलिएको विश्व स्वास्थ्य संगठन (डब्लुएचओ) ले जनाएको छ ।