April 13, 2021, Tuesday
३१ चैत्र २०७७, मंगलवार

सरकारको खाना पकाउने ग्यास मौज्दात नराख्न सर्वसाधारणलाई अपिल

सरकारको खाना पकाउने ग्यास मौज्दात नराख्न सर्वसाधारणलाई अपिल

३० फाल्गुन २०७६

उद्योग वाणिज्य तथा आपूर्ति मन्त्रालयले आवश्यकता भन्दा बढी मात्रामा ग्यास सिलिण्डर नराख्न अपिल गरेको छ । मन्त्रालयले शुक्रबार विज्ञप्ति जारी गरी बजारमा अभाव हुन सक्ने भन्दै आवश्यकता भन्दा धेरै ग्यास सिलिण्डर भरेर नराख्न अपिल गरेको हो ।

हाल बजारमा खाना पकाउने एलपी ग्यासको खपत नियमित भन्दा बढी भइरहेकाले मौज्दात नराख्न सर्वसाधारणलाई आह्वान गरेको मन्त्रालयले जनाएको छ ।

बजारको बढ्दो मागलाई व्यवस्थापन गर्न नेपाल आयल निगमले यस महिनादेखी नियमित खपतका अतिरक्त थप ११ हजार मेक्ट्रिक टन ग्यास आयात प्रक्रिया अघि बढाएको पनि मन्त्रालयले जनाएको छ ।

उपभोक्ताहरुले पछिका लागि भन्दै ग्यास मौज्दात गर्ने प्रवृति बढेपछि अहिले बजारमा एलपी ग्यासको अभाव बढेको छ ।

सरकारले बजारमा दैनिक उपभोग्य बस्तुको अभाव हुन नदिन र सहज आपूर्तिको व्यवस्था गर्न अनुगमनलाई थप कडाइका साथ अगाडि बढाइएको जनाएको छ ।