May 13, 2021, Thursday
३० बैशाख २०७८, बिहीबार

सरकारले लकडाउनको समय थपेपछी सडकमा उत्रिएका ट्याक्सी व्यवसायीका ३०० बढी ट्याक्सी नियन्त्रणमा

सरकारले लकडाउनको समय थपेपछी सडकमा उत्रिएका ट्याक्सी व्यवसायीका ३००  बढी ट्याक्सी नियन्त्रणमा

१६ असार, काठमाडौं ।

सरकारले लकडाउनको अहिलेको मोडललाई साउन ७ गतेसम्म निरन्तरता दिने घोषणासँगै ट्याक्सी व्यवसायी आन्दोलित बनेका छन् । सोमबार प्रधानमन्त्री निवास बालुवाटारमा बसेको मन्त्रिपरिषदको बैठकले आउँदो साउन ७ गतेसम्मका लागि लकडाउन जारी राख्ने निर्णय गरेकाे थियाे । यो निर्णयअनुसार साउन ७ सम्म सार्वजनिक सवारी साधन चल्ने छैनन् निजी सवारीसाधन जोर विजोर प्रणालीमा चल्नेछन् ।

काठमाडौंको  केशरमहल, सिंहदरबार, जावलाखेल, कोटेश्वर, गौशाला, महाराजगन्ज, गोंगबुलगायतका क्षेत्रबाट प्लेकार्डसहित  प्रदर्शनमा उत्रिएका ३०० बढी ट्याक्सीलाई ट्राफिक प्रहरीले नियन्त्रणमा लिएको छ । 

उपत्यका ट्याक्सी विशेष समितिले सार्वजनिक यातायात सञ्चालन गर्नुपर्ने भन्दै यातायात व्यवस्था विभागलाई ज्ञापनपत्रसमेत बुझाएको छ ।

गत जेठ २८ गते बसेको मन्त्रिपरिषद् बैठकले लकडाउनलाई खुकुलो बनाउने निर्णय गरेअनुसार उद्योग, व्यापार, व्यवसाय, पसलहरु, डिपार्टमेन्टल स्टोरहरु खुला गरिएको छ । बैंक, बित्तीय संस्था र सहकारी पनि खुल्ला गरिएका छन् ।

जोर बिजोरको आधारमा मोटरसाइकल निजी सवारी साधन सञ्चालन गर्न दिइएको छ । तर सार्वजनिक सवारी साधन र ट्याक्सी चैत ११ गतेदेखि सञ्चालनमा आएका छैनन् ।