June 20, 2021, Sunday
६ असार २०७८, आईतवार

कृषि तथा पशुपन्छी विकास मन्त्रालयलद्धारा २९ हजार मेट्रिक टन मल खरिद

कृषि तथा पशुपन्छी विकास मन्त्रालयलद्धारा २९ हजार मेट्रिक टन मल खरिद

मंसिर १६, काठमाडौं ।
कृषि तथा पशुपन्छी विकास मन्त्रालयलले पछिल्लो पटक २९ हजार मेट्रिक टन मल खरिद गरेको छ । मन्त्रालय स्रोतका अनुसार १९ हजार टन डीएपी र १० हजार टन पोटास मल खरिद गरिएको हो । भारतीय सप्लायर इन्डियन पोटास लिमिटेडमार्फत साउदी अरेबियाबाट डीएपी र बेलारुसबाट पोटास खरीद गरिएको हो । दुवै मल कृषि सामग्री कम्पनीको भण्डारणमा आइपुगेको कम्पनीले जनाएको छ ।

यो बाहेक ३० हजार मेट्रिक टन युरिया दुबईस्थित स्विस सिंगापुर सप्लायरमार्फत चीनबाट खरीद गरिएको छ । सबै मल आउँन करिव ३ साता लाग्ने कम्पनीले जनाएको छ । ७५ हजार मेट्रिक टन डीएपी आउने क्रममा रहेको छ भने थप ३० हजार मेट्रिक टन डीएपी खरीद प्रक्रिया अघि बढाईको छ । त्यस्तै युरिया मल ५० मेट्रिक टन पनि आउने क्रममा रहेको छ भने ३० हजार मेट्रिक टनको खरीद सम्झौता भई एलसी खोल्ने क्रममा रहेको छ ।

थप ६० हजार मेट्रिक टन युरिया खरीदका लागि सप्लायरसँग सम्झौता गर्ने कार्य अघि बढाइएको छ । सबै मल आपूर्ति ग्लोबल टेन्डरमार्फत खरीद गरिएको छ । मल प्राप्त भएपछि चालू वर्षमा कृषि सामग्री कम्पनीले ३ लाख ३५ हजार मेट्रिक टन मल आपूर्ति गर्ने कम्पनीले जनाएको छ ।