शेयर बजार ५३.१६ अंकले घटेर नेप्से परिसूचक १८८८.६१ विन्दुमा

वाणिज्य न्युज
१६ जेष्ठ २०८०

आउँदो आर्थिक वर्षको बजेट सार्वजनिक भएपछिको पहिलो कारोवारमा मंगलवार ५३.१६ अंकले घटको छ । यस दिन नेप्से २.७४ प्रतिशतले घटेर १८८८.६१ विन्दुमा पुगेर बन्द भएको हो ।

आज दुई सय ७५ वटा कम्पनीको ७० लाख ७४ हजार कित्ता शेयर दुई अर्ब ३४ करोड १७ लाख रुपैयाँमा कारोवार भएको छन् । सबैभन्दा धेरै शिवम् सिमेन्टको २१ करोड २४ लाख रुपैयाँको शेयर किनबेच भएको छ ।

आज सबैभन्दा धेरै श्वेतगङ्गा हाइड्रो कम्पनीको शेयर झन्डै साढे नौ प्रतिशत र सामुदायिक लघुवित्तको शेयर साढे आठ प्रतिशतले घटेको छ । समग्रमा बजार राताम्मे भए पनि आत्मनिर्भर लघुवित्त र बीपीडब्ल्यू लघुवित्तको शेयर १० प्रतिशतले बढेको छ ।

सबै कम्पनीको शेयर घटेर बजार राताम्मे भएकोमा बिमा, होटल, विकास, बैंक र व्यापार समूहको शेयर उच्च अंकले ओरालो लागेको छ ।