April 24, 2024, Wednesday
१२ बैशाख २०८१, बुधबार

दैनिक १० जना यात्रु बोकेर कुददै नेपालको रेल

दैनिक १० जना यात्रु बोकेर कुददै नेपालको रेल

नेपालको एकमात्र रेल वे सेवा यात्रु अभावमा रित्तै हिड्ने गरेको छ । रेलमा यात्रु नभएपछि भंगाहाको विजलपुरा स्टेशनबाट रेल रित्तै भंगाहासम्म आउने जाने गरेको छ । १३ सय ५० यात्रु बोक्ने क्षमताको भएको रेलमा दैनिक १० जनाको हाराहारीमा मात्र रेलमा यात्रु चढ्ने गरेका छन् । रेल जनकपुरबाट रित्तै आउने गरेको नेपाल रेल्वे कम्पनीका महाप्रबन्धक निरञ्जन झाले बताएका छन् । गत असारबाट जयनगर–जनकपुर–भंगाहासम्म चल्न थालेको रेल त्यसयता करोडौ घाटामा गईसकेको छ । यात्रु बढाउन रेललाई जतिसक्यो छिटो बर्दिवाससम्म पु¥याउनु पर्ने देखिएकाले बर्दिवास तर्फको काम अघि बढाउने अन्तिम तयारी भईरहेको झाको दाबी छ ।

Advertisement

रेलका कर्मचारी, प्राविधिक र चालकको तलब सुविधा सहित रेल सञ्चालन गर्न महिनामा लाखौँ रकम राज्य कोषबाटै खर्च भईरहेको भएपनि यात्रु अभाव हुँदा रेल सञ्चालन महँगो हुँदै गएको हो । दैनिक १० हजार बढी रेलको इन्धन खर्च लाग्ने भएपनि आम्दानी (टिकट भाडा) बापत दिनको ४ हजार उठ्ने गरेको झाले बताए । यस हिसावले आम्दानीबाट इन्धनमा लाग्ने खर्च समेत नउठने र अन्य खर्च भने राज्यकोषबाट ब्यहोर्नुपर्ने देखिएको छ ।

Advertisement

जयनगर–विजलपुरा स्टेशसनसम्म ५२ किलोमिटर रेल सञ्चालनमा आएपछि स्थानीय भने रेलको सेवाबाट आफूहरुलाई सुविधा नभएको बताउँछन् । नेपाल रेल्वेका अनुसार बिहान ७ बजे भंगाहाबाट छुट्ने रेल जयनगर–जनकपुर २ पटक आवतजावत गरेपछि साँझ ७ बजे मात्रै भंगाहा फर्किन्छ । यसरी आउने रेलमा खाना लगायतको समस्या छ । भोको पेटले बिहान रेलमा हिँडेको मान्छे बेलुका ७ बजेमात्रै फर्किने भएपछि रेल भन्दा अन्य सवारीबाटै जनकपुर जान आउन छिटो र सजिलो हुने स्थानिय बताउँछन् । यात्रु रेलमा नचढ्नुको प्रमुख कारण नै यही रहेको छ । यात्रुहरु छिटो र सुविधाका लागि अन्य सेवाको प्रयोग गर्ने गरेका छन् । जसले पनि यात्रुको समस्या पर्दे गएको हो । स्थानीयले रेल पटक पटक आउनेजाने गरे मात्रै सुविधा हुने बताउँदै आएका छन् ।

बर्दिवासबाट रेल चल्न थालेपछि जनकपुर–जयनगर यात्रु भएनन् भन्नुपर्ने अहिलेको अवस्था अन्त्य हुने बर्दिवास उद्योग वाणिज्य संघका अध्यक्ष विष्णु खड्काले बताए । रेलले दिने सेवाका आधारमा पनि यात्रु जोडिने भएकाले मालबहाक सहितको यात्रु सेवा रेलले दिने र दुबै देशका उत्पादन, बजार र व्यापार व्यवसायलाई समेत जोड्दै जानसके आम मानिसको जीवनस्तरमा फेरबदल हुनसक्ने खड्काको भनाई छ ।

 

नेपाल–भारत सम्झौता अनुसार नेपालका काठ र जडीबुटी भारत लैजाने र उपभोग्य सामग्री नेपाल ल्याउने गरी सन् १९८४ देखि विजलपुरा स्टेशनसम्म रेल सञ्चालन सुरु भएको थियो । भारत सरकारको १२ सय ५४ करोड लगानीमा नेपालमा भारतीय रेल्वे कम्पनी इरकन इन्टरनेशनलले रेल्वे ट्रयाक निर्माणको काम गर्दै आइरहेको छ ।