February 6, 2025, Thursday
२४ माघ २०८१, बिहीबार

सिमेन्टको मूल्यवृद्धिले उपभोक्तालाई प्रत्यक्ष असर परेको छ : अध्यक्ष सिंह

सिमेन्टको मूल्यवृद्धिले उपभोक्तालाई प्रत्यक्ष असर परेको छ : अध्यक्ष सिंह

नेपाल निर्माण व्यवसायी महासंघका अध्यक्ष रवि सिंहले सिमेन्ट उद्योगीले ६० प्रतिशत कटौती गरेर कार्टेलिङ गरिएको बताएका छन् ।

Advertisement

उनले बिहीबार प्रतिनिधिसभा अन्तर्गतको उद्योग वाणिज्य र श्रम तथा उपभोक्ता हित समितिमा भएको छलफलमा बोल्दै सो कुरा बताएका हुन्।

Advertisement

‘होङ्शीको उत्पादन भएपछि कार्टेलिङ रोकिएको थियो । असारदेखि असोजसम्म ४००–५०० थियो । कार्तिकमा ६५० पुराउनुभयो,’ अध्यक्ष सिंहले भने, ‘३५–४० प्रतिशत उत्पादन हुँदै आएकोमा ६० प्रतिशत उत्पादन घटाउनुभयो । होङ्शी सिमेन्टलाई पनि सामेल गराएर कार्टेलिङ भएको छ ।’

सिमेन्टको मूल्य वृद्धिले निर्माण व्यवसायीलाई भन्दा उपभोक्तालाई प्रत्यक्ष असर परेको उनको भनाइ छ । ‘सिमेन्टको मूल्यवृद्धिको २६ अर्ब भार उपभोक्तालाई पर्छ । सिमेन्टको मूल्यवृद्धिले ८० लाखको घर बनाउने जनतालाई १५ लाख भार पर्छ,’ उनले भने, ‘यस अर्थमा सिमेन्टको मूल्यवृद्धि ले जनतालाई भार बढेको छ ।’

उद्योगीले १२ घण्टा लोडसेडिङ भएको भन्ने झुटा तथ्य दिएर मूल्य वृद्धि गरेको समेत उनले बताए ।