December 3, 2022, Saturday
१७ मंसिर २०७९, शनिबार

अर्थमन्त्रालयद्धारा अक्सिजन प्लान्ट र एचडीयूका लागि थप १७ करोड ८७ लाखको सुनिश्चितता

अर्थमन्त्रालयद्धारा अक्सिजन प्लान्ट र एचडीयूका लागि थप १७ करोड ८७ लाखको सुनिश्चितता

काठमाण्डौ । अर्थ मन्त्रालयले १३ वटा अस्पतालमा अक्सिजन प्लान्ट स्थापना तथा एचडीयू जडानका लागि १७ करोड ८७ लाख ७० हजार रुपैयाँको सहमति दिएको छ । कोभिड–१९ को रोकथाम, उपचार तथा नियन्त्रणका लागि आवश्यक सबै उपाय अवलम्बन गर्ने नीतिअन्तर्गत स्वास्थ्य तथा जनसंख्या मन्त्रालयको माग अनुरुप अर्थले रकम सुनिश्चितता गरेको हो ।


मन्त्रालयले भक्तपुर क्यान्सर अस्पतालका लागि २ करोड, सूर्य विनायक अस्पतालका लागि ७५ लाख र मदन भण्डारी अस्पताल तथा ट्रमा सेन्टरका लागि १ करोड ५५ लाख चरिकोट अस्पतालका लागि १ करोड ५५ लाख, बझाङ अस्पतालका लागि १ करोड ५५ लाख, कर्णाली स्वास्थ्य विज्ञान प्रतिष्ठान जुम्लाका लागि ५ करोड १२ लाख ७० हजार,रुपैयाँको सहमति दिएको हो । यस्तै डोटी अस्पतालका लागि ८० लाख, ताप्लेजुङ अस्पतालका लागि ७५ लाख,सोलुखुम्बु अस्पतालका लागि ७५ लाख, खोटाङ अस्पतालका लागि ७५ लाख, अछाम अस्पतालका लागि ७५ लाख, जिरी अस्पतालका लागि ८० लाख, बाजुरा अस्पतालका लागि ७५ लाख रुपैयाँ पाउने गरी रकमको सुनिश्चतता दिएको हो ।


यसअघि अर्थ मन्त्रालयले २६ वटा केन्द्रीय अस्पताल र ९ वटा प्रादेशिक अस्पतालमा भेन्टिलेटर, अक्सिजन प्लान्ट र अक्सिजन ट्यांकका लागि २ अर्ब ९५ करोड २० लाख रुपैयाँको सहमति दिएको थियो । त्यसैगरी विभिन्न जिल्लाका १२ वटा अस्पतालमा अक्सिजन पाइप लाइन तथा प्लाण्ट निर्माण गर्नका लागि १६ करोड ८० लाख रुपैयाँको सहमति दिएको थियो । यस्तै विभिन्न अस्पतालहरुमा अक्सिन प्लान्ट स्थापना तथा एचडियु थप गर्न ८५ करोड रुपैयाँ ९३ लाख रुपैयाँको सहमति दिएको थियो । त्यस्तै मन्त्रालयलाई केन्द्रीय र प्रदेशिक गरी २५ वटा अस्पताललाई एचडीयू स्थापनाका लागि १ अर्ब ३६ करोड ६५ लाख ६० हजार रुपैयाँको सहमति दिएको थियो ।

Advertisement