वाणिज्य बैंकहरुमा एक खर्ब निक्षेप

वाणिज्य न्युज
२८ असार २०७९

नेपाल बैंकर्स संघले उपलब्ध गराएको तथ्यांक अनुसार चार हप्तामा बैंकहरूको निक्षेपमा ६२ अर्बले वृद्धि भएर ४४ अर्ब ९४ करोड रूपैयाँ पुगेको हो । विदेशी मुद्रामा रहेको निक्षेप तीन अर्ब रूपैयाँले घटेपनि करिब ६४ अर्बले नेपाली मुद्रामा रहेको निक्षेपमा बढोत्तरी भएको हो । असार यता सरकारी खर्च बढ्न थालेकोले पनि निक्षेपमा सुधार भइरहेको छ । असार ३ गतेसम्म वाणिज्य बैंकहरुको निक्षेप ४३ खर्ब ९४ अर्ब रुपैयाँ रहेको थियो ।

यस अवधिमा वाणिज्य बैंकहरुमा एक खर्ब निक्षेप थपिएको हो । असार ३ गतेदेखि १० गतेसम्म चार अर्ब निक्षेप थपिएको थियो । त्यस्तै, असार १० गतेदेखि १७ गतेसम्म ३४ अर्ब रुपैयाँ निक्षेप थपिएको हो । त्यस्तै, यस अवधिमा बैंकहरुले प्रवाह गर्ने कर्जा भने सामान्य घटेको छ । असार ३ गतेदेखि २४ गतेसम्मको चार १४ अर्ब रुपैयाँले कर्जा प्रवाह घटेको हो । असार ३ गतेसम्म यी बैंकहरुले ४१ खर्ब ८८ अर्ब रुपैयाँ कर्जा प्रवाह गरेका थिए । उक्त कर्जा प्रवाह असार २४ गतेसम्म आइपुग्दा घटेर ४१ खर्ब ७४ अर्ब रुपैयाँमा सिमित भएको संघको तथ्यांकमा उल्लेख गरेको छ ।