नेपाल चेम्बर अफ कमर्सले स्वास्थ्य सेवा विभागलाई ५० हजार थान मास्क दियो

वाणिज्य न्युज
१२ चैत्र २०७६

चैत १२, काठमाडौं ।
नेपाल चेम्बर अफ कमर्सले स्वास्थ्य सेवा विभागलाई ५० हजार थान मास्क उपलब्ध गराएको छ । नेपाल चेम्बर अफ कमर्सको तर्फबाट उपाध्यक्ष दिपक मल्होत्रालेस्वास्थ्य सेवा विभागलाई ५० हजार मास्क उपलब्ध गराएका हुुन् ।
चेम्बर अफ कमर्शले औषधि, मास्क, खाद्यन्नको आपूर्तिमा सहजता ल्याउन भन्दै हिजो समन्वय समिति बनाएको थियो । कोरोना भाइरस को प्रकोप नियन्त्रण गर्न हाल लकडाउन भएको परिस्थितिमा औषधी, मास्क, खाद्यन्नको आपूर्तिमा सहजता ल्याउन आवश्यक सहयोग तथा समन्वयको लागि समन्वय समिति गठन गरिएको थियो ।
समितिमा दीपक मल्होत्रा, देवेन्द्रभक्त श्रेष्ठ, मृगेन्द्र मेहर श्रेष्ठ, कृष्णमान श्रेष्ठ, निरज राई र राजेन्द्र सिम्खडा रहेका छन् । यो समुहले भोलीका दिनमा बाहिरी जिल्लामा क्रमिक रुपमा माक्सहरु वितरण गर्ने जनाएको छ ।