सिटिजन्स बैंकको संचालकमा सुदेश खालिङ नियुक्त

वाणिज्य न्युज
८ मंसिर २०७६

०८ मंसिर, २०७६, काठमाण्डौ । सिटिजन्स बैंक इन्टरनेसनलको संचालकमा बैकिंग क्षेत्रमा करिव तीन दशक लामो अनुभव भएका सुदेश खालिङ नियुक्त भएका छन् । बैंकको हालै भएको ३२० औं सञ्चालक समितिको बैठकले खालिङलाई बैंकको स्वतन्त्र संचालकमा नियुक्त गरेको हो ।
अवनिन्द्र कुमार श्रेष्ठको पदावधि सकिएपछि रिक्त हुन गएको स्वतन्त्र संचालकको पदमा खालिङलाई नियुक्त गरिएको बैंकले जानकारी दिएको छ ।
शाखा संचालन तथा जोखिम व्यवस्थापनमा अब्बल बैंकरका रूपमा परिचित खालिङले विभिन्न वाणिज्य बैंकको महत्वपूर्ण ओहदामा रहि आफ्नो कार्यकुशलता प्रदर्शन गरिसकेका छन् ।