प्रभु बैंंक र नबिल इन्भेस्टमेन्ट बैंंक बिच भयो यस्तो सम्झौता

वाणिज्य न्युज
१२ मंसिर २०७६

१२ मंसिर, २०७६, काठमाण्डौ । प्रभु बैंकले ‘प्रभु बैंक डिबेन्चर २०८४’ निष्कासन गर्न लागेसँगै बैंकले नबिल इन्भेस्टमेन्ट बैंकिङ लिमिटेडलाई निष्कासन तथा बिक्री प्रबन्धकमा नियुक्त गरेको छ ।
डिबेन्चर निष्कासनका लागि ११ मंसिर २०७६ मा प्रभु बैंक लिमिटेडका तर्फबाट प्रमुख कार्यकारी अधिकृत अशोक शेरचन र नबिल इन्भेस्टमेन्ट बैंकिङ लिमिटेडका तर्फबाट प्रमुख कार्यकारी अधिकृत सबिर बादे श्रेष्ठबीच सम्झौता भएको छ ।

कुल २० लाख कित्ता डिबेन्चरमध्ये १२ लाख कित्ता डिबेन्चर व्यक्तिगत तवरबाट र ८ लाख कित्ता डिबेन्चर सर्वसाधारणमा निष्कासन गर्र्न लागिएको हो । दुई बैंकबिच २ अर्ब बराबरको डिबेन्चर १० प्रतिशत ब्याजसहित आठ वर्षका लागि निष्कासन गर्ने सम्झौता लागु भएको हो ।