सानिमा बैंकका ग्राहकलाई एप्पलका प्रोडक्टमा विशेष छुट

वाणिज्य न्युज
१७ फाल्गुन २०७६

सानिमा बैंकका ग्राहकहरूले आस्ट्रल कम्प्युटर्स नेपाल (फ्युचर वर्ल्ड) बाट एप्पलका सामान किन्दा विशेष छुट पाउने भएका छन् ।

शुक्रबार बैंकको डिजिटल बैंकिङ विभागका प्रमुख विक्रम श्रेष्ठ र आस्ट्रल कम्प्युटर्स नेपालका महाप्रबन्धक नवीन जोशीले सोसम्बन्धी सम्झौतापत्रमा हस्ताक्षर गरेका हुन् ।

शुक्रबारबाट सुरु भएको यो छुटमा फ्युचर वर्ल्डबाट खरिद गर्ने एप्पल कम्पनीका आइफोन, आइप्याड, म्याकबुक तथा अन्य सामानहरूमा छुट पाइने भएको हो ।

सम्झौताअनुसार सानिमा बैंकका ग्राहकहरूले डेबिट तथा क्रेडिट कार्ड प्रयोग गरी काठमाडौंको सुनधारास्थित सिभिल मलमा अवस्थित फ्युचर वर्ल्डमा एप्पलका प्रोडक्ट खरिद गर्दा ६ हजार रुपैयाँसम्म नगद तथा ७ हजार रुपैयाँसम्मका एसेसरिज पाउनेछन् ।