दुई तिहाइ बहुमतले संविधान संशोधन विधेयक पारित, पक्षमा २५८ मत, विपक्षमा शून्य
देशको वास्तविक नक्सा निशान छापमा समावेश गर्ने नेपालको संविधान (दोस्रो संशोधन) विधेयक २०७७ प्रतिनिधिसभाबाट पारित भएको छ ।
नेपालको परिवर्तित नयाँ नक्सा निशान छापमा समावेश गर्न नेपालको संविधान (दोस्रो संशोधन) विधेयक २०७७ परित गरियोस् भन्ने प्रस्तावमाथि प्रतिनिधिसभामा मतदान प्रक्रिया हुँदा बहुमतले पारित भएको हो ।
शनिबार कालापानी, लिपुलेक र लिम्पियाधुरा समेटिएको नेपालको नक्सालाई संविधानको अनुसूची ३ मा रहेको निशान छापमा राख्नका लागि ल्याइएको नेपालको संविधान (दोस्रो संशोधन) विधेयक, २०७७ पारित गरियोस् भन्ने प्रस्ताव प्रतिनिधिसभामा पेस भारी बहुमतले पारित भएको हो ।
दफावार छलफलमा सबै राजनीतिक दलहरुले उक्त विधेयकमाथि समर्थन जनाइसकेपछि कानुन, न्याय तथा संसदीय मामिलामन्त्री शिवमाया तुम्बाहाङ्फेले उक्त विधेयक पारित गरियोस् भन्ने प्रस्ताव पेस गरेकी थिइन ।
प्रतिनिधसभामा दफावार छलफल सकिएपछि मतदान भएको थियो । त्यसपछि संशोधनको पक्ष र विपक्षमा मत विभाजन प्रकिया अपनाइएको थियो । मतदान उपस्थित सदस्यहरूको संख्या २५८ रेको थियो । संविधान संशोधन दोस्रो संशोधन विधेयकलाई पारित गरियोस भन्ने प्रस्ताव अथवा हुन्छ भन्ने पक्षमा २५८ र प्रस्तावको विपक्षमा वा हुन्न भन्ने पक्षमा मत नपरेको सभामुख साप्कोटाले बताए ।
दफावार प्रस्तामा संसदमा नेकपाका अध्यक्ष एवं सांसद पुष्पकमल दाहाल प्रचण्ड, प्रतिपक्षी दलका नेता शेरबहादुर देउवा, राजपाका राजेन्द्र महतो, समाजवादीका उपेन्द्र यादव लगायतका संसदहरुले छलफलमा भाग लिएका थिए ।
प्रतिकृया दिनुहोस्