July 27, 2021, Tuesday
१२ श्रावण २०७८, मंगलवार

अर्थ मन्त्रालयद्धारा कोरोना नियान्त्रणको लागि थप ४१ अस्पताललाई १ अर्ब ४१ करोडको सुनिश्चितता

अर्थ मन्त्रालयद्धारा कोरोना नियान्त्रणको लागि थप ४१ अस्पताललाई १ अर्ब ४१ करोडको सुनिश्चितता

काठमाडौं, १३ जेठ । अर्थ मन्त्रालयले कोरोना महामारी सकृय भूमिका खेल्ने थप ४१ अस्पताललाई १ अर्ब ४१ करोड रुपैयाँ सुनिश्चित गरेको छ ।
कोरोनाका गम्भीर बिरामी र बालबालिकाहरुको उपचारका लागि पिडियाट्रिक आईसीयू र आईसीयू भेन्टिलेटरको थप व्यवस्था गर्न अर्थ मन्त्रालयले उत्त रकमको सुनिश्चितता गरेको हो ।

पिडियाट्रिक आईसीयूतर्पm रकम सुनिश्तिता गरेकामा कान्ति बाल अस्पताल, पाटन स्वास्थ्य विज्ञान प्रतिष्ठान र त्रिवि शिक्षण अस्पताललाई तीन–तीन करोड रुपैयाँ सुनिश्चित गरिएको छ । सेती प्रादेशिक अस्पताललाई ६ करोड, गजेन्द्रनारायण अस्पताल र तुल्सीपुर अस्पताललाई ९–९ करोड र भक्तपुर अस्पताललाई १२ करोड रुपैयाँ सुनिश्चित गरिएको छ । आईसीयू भेन्टिलेटरतर्फ धुलिखेल अस्पताल, पोखरा स्वास्थ्य विज्ञान प्रतिष्ठानलाई, बिपी कोइराला स्वास्थ्य विज्ञान प्रतिष्ठान र लुम्बनी प्रादेशिक अस्पताल तथा भीम अस्पताललाई १ करोड ८० लाख रुपैयाँका दरले सहमति दिइएको छ ।


त्यस्तै, कर्णाली स्वास्थ्य विज्ञान प्रतिष्ठान, कोशी अस्पताल, राप्ति स्वास्थ्य विज्ञान प्रतिष्ठान, जनकपुर प्रादेशिक अस्पताल गजेन्द्रनारायण अस्पताल, भेरी अस्पताल, डडेलधुरा अस्पताल, नारायणी अस्पताल र सुर्खेत प्रादेशिक अस्पताललाई एक करोड २० लाख रुपैयाँका दरले स्रोत सुनिश्चित गरिएको हो । यसैगरी खोटाङ अस्पताल, ताप्लेजुङ अस्पताल, संखुवासभा अस्पताल, तेह्रथुम अस्पताल, सोलुखुम्बु अस्पताल, सुनसरी अस्पताल, भोजपुर अस्पताल, ओखलढुङ्गा अस्पताल, रंगेली अस्पताल, सर्लाही अस्पताललाई तीन–तीन करोड रुपैयाँ रहेको छ ।


यस्तै, भक्तपुर नगर अस्पताल, स्याङ्जा अस्पताल, बारा अस्पताल, रामेछाप अस्पताल, दोलखा अस्पताल, रत्ननगर अस्पताल, रसुवा अस्पताल, पर्वत अस्पताल, मुसीकोट अस्पताल, म्यादी अस्पता, पाल्पा अस्पताल, रोल्पा अस्पताल, पृथ्बीचन्द्र अस्पताल, मुगु अस्पताल र मेहलकुना अस्पताललाई पनि तीन–तीन करोड रुपैयाँको सहमति दिइएको छ ।