July 26, 2021, Monday
११ श्रावण २०७८, सोमबार

दुई हप्ताभित्र रेल चलाउने तयारीमा लाग्नुस् : मन्त्री नेम्वाङ

दुई हप्ताभित्र रेल चलाउने तयारीमा लाग्नुस् : मन्त्री नेम्वाङ

काठमाडौँ । भौतिक पूर्वाधार तथा यातायातमन्त्री बसन्तकुमार नेम्वाङले दुईहप्ता भित्र रेल सञ्चालन गर्न निर्देशन दिएका छन् । सोमबार राजधानीमा भएको एक कार्यक्रममा बोल्दै उनले निषेधाज्ञा खुल्नासाथ जनकपुर–जयनगर रेल सञ्चालन गर्न निर्देशन दिएका हुन् । मन्त्री नेम्वाङले विभागलाई निर्देशन दिदै भने,– ‘दुई हप्ताभित्र रेल चलाउने तयारीमा लाग्नुस् ।’ उनले अडाडि थपे, –‘नीतिगत, व्यवहारिक र प्राविधिक सम्पूर्ण कुराको व्यवस्थापन गरेर छिटोभन्दा छिटो सञ्चालनमा ल्याउनु परो ।’

मन्त्री नेम्वाङले पानी जहाज कार्यालय, मेट्रो रेल विभाग र यातायात व्यवस्था विभागका प्रमुखहरुसँग छलफल गर्ने क्रममा रेल विभागलाई रेल सञ्चालन गर्ने गरी सम्पूर्ण तयारी पूरा गर्न निर्देशन दिएका हुन् ।

‘रेल सञ्चालनका लागि अध्यादेश जारी गरिसकेका छौँ, यति हुँदाहुँदै पनि हामीले रेललाई समयमा सञ्चालन गर्न सकेका छैनौँ, कोभिड महामारीले बाधा पुर्याएको छ,’ उनले भने, ‘अध्यादेश ल्याउने, जिएम नियुक्ति गर्नेलगायत कानुन व्यवस्थित गरिसकेका छौँ, नीतिगत, व्यवहारिक, प्राविधिक सबै कुराको व्यवस्थापन भइसकेको छ, यस्तो अवस्थामा लकडाउन खोल्न वित्तिकै हामीले रेल सञ्चालन गर्नुपर्छ, त्यहाँका जनतालाई रेल सेवा प्रदान गर्नुपर्छ ।