July 24, 2021, Saturday
९ श्रावण २०७८, शनिबार

कोरोनाका कारण ढिलोगरी नयाँ शैक्षिक सत्र सुरु

कोरोनाका कारण ढिलोगरी नयाँ शैक्षिक सत्र सुरु

काठमाडौँ : कोभिड–१९ सङ्क्रमणका कारण नयाँ शैक्षिक सत्र आजदेखि सुरु भएको छ । अन्य समय बैंशाखदेखि सुरु हुनुपर्ने नयाँ शैक्षिक सत्र यस बर्ष कोरोना संक्रमणका कारण असारदेखि सुरु भएको हो । शिक्षा तथा मानव विकास स्रोत केन्द्रका महानिर्देशक वैकुण्ठ अर्यालले असार १ देखि विद्यालयले विद्यार्थीको नयाँ कक्षामा अभिलेखीकरण कार्य सुरु गरिएको बताए ।

विद्यार्थीको नयाँ कक्षा प्रवेश, अभिलेखीकरण भर्ना तथा वैकल्पिक माध्यमबाट सिकाइ सहजीकरणको बाटो सहज भएको छ । अनलाइन, टेलिफोन या अन्य कुनै माध्यमबाट विद्यार्थीको कक्षामा अभिलेकीकरण कार्य विद्यालयले गर्ने योजना बताएको छ ।

असार १५ सम्म विद्यार्थीको अभिलेखीकरण कार्य पूरा गरेर विद्यार्थीको हातमा नयाँ पाठ्यपुस्तक उपलब्ध गराउनुपर्ने जिम्मेवारी विद्यालयले पूरा गर्नुपर्नेछ । विद्यार्थीको अभिलेखीकरणपछि वैकल्पिक सिकाइ प्रणालीबाट बालबालिकाको सिकाइलाई निरन्तरता दिइनेछ ।
कोभिडका कारण गत वर्षको एसईई परीक्षाको नतिजा आन्तरिक मूल्यांकनबाट सार्वजनिक गर्ने तयारी छ ।