सिन्धुपाल्चोकको हेलम्बुमा भीषण पहिरो, क्षतिको विवरण आउने क्रम जारी
सिन्धुपाल्चोकको हेलम्बुमा भीषण पहिरो गएको छ । अविरल वर्षापछि आएको पहिरोका कारण सिन्धुपाल्चोकको हेलम्बु गाउँपालिकाको अम्बाथान क्षेत्रमा पहिरो गएको प्रशासनले जनाएको छ । केही भौतिक संरचना बगाएको धनजनको क्षति समेत हुनसक्ने भनिएको छ । यद्यपी क्षति बाहिर आएको छैन् । जिल्ला प्रहरी कार्यलय सिन्धुपाल्चोका अनुसार पहिरोका कारण बस्तीमा क्षति पुर्याएको छ । रातिको समय र पानी परिरहेकाले सबै विवरण प्राप्त भइनसकेको प्रहरीले जनाएको छ । ‘पहिरो बस्तीमा गएको भनेपनि त्यसको पुष्टि हुन सकेको छैन ।’ प्रहरीले भनेको छ ।
हेलम्बुको किउल, ग्याल्थुम, तालामाराङ क्षेत्रका स्थानीय घर छोडेर सुरक्षित स्थानमा जान बाध्य भएका छन् ।
सिन्धुपाल्चोकका प्रमुख जिल्ला अधिकारी अरुण पोखरेलले क्षतिको खबर आए पनि यकिन विवरण आइनसकेको बताए । उनले उनका अनुसार बाढीले क्षति पुर्याएको ठाउँ पहाडी क्षेत्रमा पर्ने र भर्खर विहान भएकोले अव क्षति विस्तारै बाहिर आउँने बताए । उनले त्यहाँ रहेका सुरक्षा निकायका पोष्ट पनि बगााएको भनेपनि पूर्ण जानकारी आइनसकेको बताए ।
मेलम्ची खानेपानी आयोजना क्षेत्रको क्याम्पमा पनि बाढीले क्षति पुर्याएको छ । बाढी आएपछि हेलम्बु, मेलम्ची वरपरका स्थानीयको भागाभाग भएको छ ।
प्रतिकृया दिनुहोस्