July 27, 2021, Tuesday
१२ श्रावण २०७८, मंगलवार

प्रधानमन्त्री ओलीले राष्ट्रका नाममा विदाई सम्बोधन गर्दै

प्रधानमन्त्री ओलीले राष्ट्रका नाममा विदाई सम्बोधन गर्दै

काठमाडौं । प्रधानमन्त्री केपी शर्मा ओलीले आज दिउँसो २ बजे सम्बोधन गर्ने भएका छन् । दिउँसो १ बजे बालुवाटारमा स्थायी कमिटी बैठक पनि बोलाए पनि त्यसलाई स्थगित गराएका ओलीले दिउँँसो २बिदाई सम्बोधन गर्ने भएका हुन् । सर्वाेच्च अदालतको फैसलासँगै सत्ताच्युत भएका प्रधानमन्त्री केपी शर्मा ओलीले आज सरकारी निवास छाड्नुअघिको देशवासीका नाममा प्रधानमन्त्रीका हैसियतले गर्ने अन्तिम सम्बोधन हो ।

ओली असार २९बाट नेकपा एमालेका अध्यक्ष ओली सत्ताबाट बाहिरिँदै छन् । भने नेपाली कांग्रेसका सभापति शेरबहादुर देउवा प्रधानमन्त्री बन्दै छन् । सर्वोच्च अदालतको आदेशअनुसार राष्ट्रपति विद्यादेवी भण्डारीले आज देउवालाई प्रधानमन्त्री पदमा नियुक्ति गर्ने भएकी हुन् । सर्वोच्च अदालतले सोमबार प्रतिनिधि सभा पुनःस्थापना गर्दै देउवालाई आज (मंगलबार) साँझ ५ बजेभित्र प्रधानमन्त्री पदमा नियुक्ति दिन परमादेश जारी गरेको हो ।

गत जेठमा संविधानको धारा ७६ (५) बमोजिम बहुमत १४६ सांसदको हस्ताक्षरसहित प्रधानमन्त्री पदमा दाबी गरे पनि राष्ट्रपति भण्डारीले बहालवाला प्रधानमन्त्री केपी शर्मा ओलीबाट पनि १५३ सांसद आफ्नो समर्थनमा रहेको दाबी आएको भन्दै देउवालाई प्रधानमन्त्री पदमा नियुक्ति दिन अस्वीकार गरेकी थिइन् भने लगत्तै मन्त्रिपरिषद् बैठक राखेर प्रधानमन्त्री ओलीले गरेको सिफारिसमा राष्ट्रपति भण्डारीले दोस्रोपटक गत जेठ ७ गते मध्यराति प्रतिनिधि सभा विघटन गरेकी थिइन् ।

त्यसविरुद्ध देउवाको नेतृत्वमा १४६ सांसदले हालेको मुद्दामा सर्वोच्च अदालतले सोमबार फैसला सुनाउँदै प्रतिनिधि सभा पुनःस्थापना गर्नाका साथै देउवालाई प्रधानमन्त्री बनाउन परमादेश जारी गरेको हो । अदालतको परमादेशसँगै अब ओली हट्ने र देउवा प्रधानमन्त्री हुने भएका हुन् ।