एनआरएनएको साधारणसभा अक्टोबरमा हुने, निर्वाचन अनलाइन प्रणालीबाटै

गैरआवासीय नेपाली सघ (एनआरएनए)को १० औँ साधारणसभा आगामी अक्टोबर २३ देखि २५ (२०७८ कात्तिक ६–८) मा आयोजना हुने भएको छ सघको शनिबार सम्पन्न ७८ औँ अन्तर्राष्ट्रिय समन्वय परिषद्को बैठकले सघको १० औँ एनआरएन ग्लोबल सम्मेलन र १० औँ साधारणसभा आगामी अक्टोबर २३ देखि २५ (२०७८ कात्तिक ६–८) गतेसम्म आयोजना गर्ने निर्णय गरेकोे हो । त्यसका लागि अध्यक्ष कुमार पन्तको संयोजकत्वमा आयोजक समिति गठन गरेको छ ।

बैठकले गैरआवासीय नेपाली सङ्घको निर्वाचनसम्बन्धी नियमावली, आर्थिक नियमावलीलगायतका विभिन्न १९ नियमावली, एनआरएन फाउण्डेशन संशोधन गरेको छ । त्यस्तै बैठकले आर्थिक वर्ष २०७८÷७९ को बजेटसमेत पारित गरेको जनाएको छ । यस्तै बैठकले निर्वाचनका लागि उम्मेदवार मनोनयन शुल्क सन् २०१९ को निर्वाचनमा तोकिएबमोजिमकै कायम गर्ने निर्णय गरेको पन्तले बताए ।

अध्यक्ष पन्तका अनुसार बैठकले आगामी निर्वाचन अनलाइन प्रणालीबाट गर्ने निर्णय गर्दैै निर्वाचनमा भाग लिने प्रतिनिधिको शुल्कसमेत शून्य कायम गरिएको छ ।

Advertisement