एमालेको स्थायी कमिटी बैंठक बस्दै, प्रतिनिधिसभामा प्रस्तुत हुने रणनीति बनाउने

वाणिज्य न्युज
३ श्रावण २०७८

नेकपा एमालेको स्थायी कमिटी बैठक ललितपुरस्थित तुल्सीलाल स्मृति प्रतिष्ठानमा बिहान ११ बजे बस्ने भएको छ । सर्वोच्च अदालतको फैसलाले दोस्रो पटक पुर्नस्थापित प्रतिनिधिसभा बैठक बस्ने भएको पार्टी केन्द्रीय कार्यालय सचिव शेरबहादुर तामाङले जानकारी दिए ।
पार्टी संरचना २०७५ जेठ २ गते अगाडि फर्काउँदै आइतबारको बैठकमा नेपाल पक्षका नेतालाई समेत डाँकिएको छ । तामाङका अनुसार बैठकले केन्द्रीय कमिटी बैठकको एजेन्डा तय गर्ने तथा विधान अधिवेशनको तयारीबारे छलफल गर्नेछ ।

तर अध्यक्ष ओलीले कार्यदलको सहमतिलाई अनुमोदन गरेर अघि बढेकाले अब बैठकमा सहभागी भएर पार्टी काममा लाग्ने बाटो खुलेको जवाफ दिएका छन् । सहमतिका लागि भन्दै पार्टीको बैठक अब नरोकिने उनले अडान लिएका छन् । एमालेले यही साउन २५ देखि २७ गते विधान अधिवेशन गर्ने निर्णय पनि गरेको छ । यसका लागि केन्द्रीय कमिटी बैठक एमालले सोमबार बोलाएको छ ।