March 29, 2024, Friday
१६ चैत्र २०८०, शुक्रबार

भारतमा दिइने छात्रवृत्तिका लागि शैक्षिक परामर्श

भारतमा दिइने छात्रवृत्तिका लागि शैक्षिक परामर्श

काठमाडौँ – छिमेकी भारतका विभिन्न उत्कृष्ट विश्वविद्यालय, कलेज र शैक्षिक संस्थामा उच्च शिक्षा हासिल गर्न जाने नेपाली विद्यार्थीले पाउने छात्रवृत्तिका लागि कृष्णा फाउण्डेसनले शैक्षिक परामर्श गर्न थालेको छ।

Advertisement

काठमाडौँस्थित भारतीय दूतावासले प्रदान गर्ने शतप्रतिशत कम्पेक्स छात्रवृत्तिमा आवेदन दिने विद्यार्थीका लागि विश्वविद्यालयका पूर्वाधार, गुणस्तर, अन्तर्राष्ट्रिय विद्यार्थीका अनुभव र छात्रवृत्तिबारे फाउण्डेशनले परामर्श गरेको हो।

Advertisement

यसबारे जानकारी दिन शुक्रबार आयोजित पत्रकार सम्मेलनमा फाउन्डेसनका निर्देशक सन्तोषकुमार चौधरीले शैक्षिक सत्र सन् २०२१।२२ का लागि भर्ना प्रक्रिया अगाडि बढाउने समयमा आफूहरूले ‘स्कलरसिप इन इन्डियन युनिभर्सिटिज्’ अन्तर्गत सहयोग गर्ने बताए।

कक्षा १२ मा ६० प्रतिशत प्राप्तांकसहित उत्तीर्ण विद्यार्थीले अगस्ट १२ तारिखसम्म छात्रवृत्तिका लागि आवेदन दिन सक्नेछन्।