कोरोनाविरुद्धको कोषमा प्रकाश सपूतको दुई लाख

वाणिज्य न्युज
१२ चैत्र २०७६

१२ चैत , काठमाडौं ।

गायक प्रकाश सपुतले कोरोना भाइरस रोकथामका लागि सरकारले खडा गरेको कोषमा २ लाख रुपैयाँ सहयोग पठाएका छन् ।

विश्वभर महामारीको रुपमा फैलिएको कोरोना भाइरसबाट बच्न र सतर्कताको लागि सहयोग भन्दै उनले कोषलाई रकम सहयोग गरेका छन् ।

बागलुङमा रहेका गायक सपुतले सो रकमको चेकलाई कोषमा जम्मा गरिदिन भन्दै पत्रकार महासंघ बागलुङका अध्यक्ष दिल शिरीषलाई चेक हस्तान्तरण गरेका छन् ।

मन्त्रिपरिषद्को आइतबार साँझ बसेको बैठकले कोरोना भाइरस संक्रमण रोकथाम गर्न ५० करोड रुपैयाँबराबरको कोष स्थापना गरेको छ ।

कोष स्थापना भएपछि गायक प्रकाश सपुतले सोमबार प्रधानमन्त्रीलाई लामो पत्र लेख्दै २ लाख रुपैयाँ सो कोषका लागि पत्रकारमार्फत उपलब्ध गराएको घोषणा गरेका छन् ।

सपुतले सरकारले कोरोनाभाइरसबाट बच्न गरेको प्रयास सरहनिय भएको बताएका छन्।