अब तरकारी ११ स्थानबाट बिक्री हुने
२७ चैत्र २०७६
कालीमाटीसँगै बल्खुको फलफूल तथा तरकारी बजारमा भीड बढेपछि काठमाडौं महानगरपालिकाले काठमाडौं उपत्यकाका थप विभिन्न ११ स्थानबाट तरकारी तथा फलफूल बिक्री हुने भएको छ ।
महानगरपालिकाको महानगर क्षेत्र भित्रका कलंकी चोक, वाफल चोक, स्वयम्भू चोक, वनस्थली चोक, गंगबु चोक, बसुन्धरा चोक, गोपिकृष्ण हल चोक, तिनकुने चोक, लैनचौर, रत्नपार्क र कोटेश्वरचोकमा लकडाउन अवधिभरि वैकल्पिक तरकारी बजार सञ्चालन गर्न ठाउँ उपलब्ध गराउने भएको हो ।
बिहीबारदेखि कलंकी चोकबाट बिक्री–वितरण सहज सुरु भएको छ । छिट्टै कोटेश्वर, रत्नपार्क, लैनचौर, चावहिल (गोपिकृष्ण हल), वसुन्धरा, गोंगबु, वनस्थली, बाफल र स्वयम्भूबाट वितरण सुरु हुने कालिमाटी फलफूल तथा तरकारी बजार विकास समितिले जानकारी दियो ।
त्यस्तै, कालीमाटी तरकारी बजार तथा बल्खु आउने तरकारीलाई काठमाडौँ महानगरपालिकाले तोकेका विभिन्न स्थानबाट बिक्री गर्न व्यवसायीहरुले व्यवस्था मिलाउने र बिक्रीका लागि वातावरण निर्माण गर्ने भएको छ।
प्रतिकृया दिनुहोस्