हुण्डी कारोवारी २४ लाख २१ हजार रुपैयाँ नगद सहित पक्राउ
बैशाख २०, काठमाडौँ ।
नेपाल प्रहरीले हुण्डी करोवार गरेको सुराकीको आधारमा दुईजना कारोवारीलाई नियन्त्रणमा लिएको छ । भारत मोतियारी घर भई हाल ललितपुर सानेपा बस्ने ३९ वर्षीय रुपेश कुमार गुप्ता र काठमाडौं नयाँबानेश्वर बस्ने बाग्लुङ घर भएका ३५ वर्षीय सागर श्रेष्ठलाई शनिवार विहान नियन्त्रणमा लिएको हो ।
काठमाडौं महानगरपालिका–१३ टंकेश्वर र काठमाडौं महानगरपालिका–१२ स्थित कनक पेट्रोल पम्प नजिकबाट हुण्डी कारोबारमा संलग्न रहेको अवस्थामा उनीहरुलाई नगद सहित प्रहरीले नियन्त्रणमा लिएको हो । उनीहरुको साथवाट प्रहरीले नगद २४ लाख २१ हजार रुपैयाँ सहित बरामद गरेको छ ।
उक्त रकममध्ये गुप्ताको साथबाट ६ लाख २१ हजार रुपैयाँ र श्रेष्ठको साथबाट १८ लाख रुपैयाँ बरामद भएको हो । हुण्डी कारोवार गरिरहेको भन्ने खबर प्राप्त भएपछि महानगरीय प्रहरी वृत्त कालिमाटीबाट टोली खटिएकोको थियो ।
प्रतिकृया दिनुहोस्