February 6, 2025, Thursday
२४ माघ २०८१, बिहीबार

८५ कम्पनीद्वारा ५१ अर्ब ७४ करोडको आइपिओ ल्याउन आवेदन

८५ कम्पनीद्वारा ५१ अर्ब ७४ करोडको आइपिओ ल्याउन आवेदन

नेपाल धितोपत्र बोर्डमा आइपिओ निष्कासनको अनुमति माग्दै ८४ वटा कम्पनी पाइपलाइनमा रहेका छन्। यी ८४ कम्पनीले ५१ अर्ब ५१ करोड रूपैयाँको सेयर जारी गर्ने अनुमति माग्दै धितोपत्र बोर्डको अनुमति पर्खिरहेका हुन्।

Advertisement

अहिले धितोपत्र बोर्डका ४३ वटा जलविद्युत कम्पनीले १८ अर्ब ४० करोड रूपैयाँको सेयर जारी गर्ने अनुमति मागिरहेका छन्।

Advertisement

अहिले नै नेप्सेमा यो जलविद्युतका कम्पनीको संख्या सबैभन्दा धेरै छ।

नेप्सेमा अहिले ९१ वटा जलविद्युत कम्पनीको सेयर कारोबार भइरहेको छ। यी कम्पनीको सेयर मूल्य एक सय ९६ देखि दुई हजार चार सय ९० रूपैयाँसम्मका कारोबार भइरहेका छन्।

आइपिओको पाइपलाइनमा रहेका कम्पनी सूचीकृत भएसँगै जलविद्युत कम्पनीहरूको संख्या एक सय ३३ वटा पुग्ने देखिन्छ।

उत्पादन तथा प्रशोधनमूलक क्षेत्रबाट १६ कम्पनीले आइपिओ जारी गर्ने भएका छन्। १६ कम्पनीले २२ अर्ब ७२ करोड रूपैयाँ बराबरका सेयर जारी गर्ने भएका हुन्।

अन्य समूहबाट १० कम्पनीले तीन अर्ब ३२ करोड बराबरको, होटेल तथा पर्यटन क्षेत्रका सात कम्पनीले तीन अर्ब ३१ लाख बराबरको, लगनी क्षेत्रबाट तीन कम्पनीले दुई अर्ब ८४ करोड बराबरको सेयर जारी भएका हुन्।

त्यस्तै, चार वटा लघु बीमा कम्पनीले ९० करोड रूपैयाँ र एक लघुवित्त कम्पनीले ८० लाख रूपैयाँ बराबरको सेयर जारी गर्ने भएका हुन्।