नेपाल बैंक र नबिल इन्भेस्टमेन्ट बैंकिङ बीच सम्झौता

वाणिज्य न्युज
२ मंसिर २०७६

२ मंसिर, २०७६, काठमाडौं । नेपाल बैंक र नबिल इन्भेस्टमेन्ट बैंकिङ बीच एनबीएल डिवेन्चर निस्कासन सम्बन्धी सम्झौता भएको छ । सम्झौता अनुसार नेपाल बैंकको २ अर्ब ५० करोड रुपैयाँ बराबरको ‘१० प्रतिशत एनबीएल डिवेन्चर २०८३’ अब नविल इन्भेस्टमेन्ट बैंकिङ, नक्साल काठमाडौंले गर्नेछ ।
कुल २५ लाख कित्ता डिवेन्चरमध्ये १५ लाख कित्ता डिवेन्चर व्यक्तिगत तवरबाट र १० लाख कित्ता डिवेन्चर सर्वसाधारणमा निस्कासन गरिने जनाइएको छ ।
डिवेन्चर निष्कासनका लागि नेपाल बैंकका तर्फबाट प्रमुख कार्यकारी अधिकृत कृष्णबहादुर अधिकारी र नबिल इन्भेस्टमेन्ट बैंकिङ लिमिटेडका तर्फबाट प्रमुख कार्यकारी अधिकृत सविरबादे श्रेष्ठले सम्झौतापत्रमा हस्ताक्षर गरेका थिए ।