September 25, 2021, Saturday
९ आश्विन २०७८, शनिबार

राष्ट्र बैंकले वित्तीय क्षेत्रबाट ५० अर्बको निक्षेप संकलन गर्दे

राष्ट्र बैंकले वित्तीय क्षेत्रबाट ५० अर्बको निक्षेप संकलन गर्दे

काठमाडौं –नेपाल राष्ट्र बैंकले बैंक तथा वित्तीय संस्थाहरुबाट रु. ५० अर्ब बराबरको निक्षेप संकलन गर्ने भएको छ । राष्ट्र बैंकले २८ दिनको अवधीका लागि बैंक तथा वित्तिय संस्थाहरुबाट निक्षेप संकलन गर्दे छ । बैंकहरुले घटीमा रु. ५ करोड र बढीमा रु. ५ करोडले भाग गर्दा निशेष भाग जाने गरी कूल आह्वान रकमसम्म बोलकबोलमा भाग लिएर निक्षेप संकलन गर्न सकिने छ । बैंकले सावा तथा ब्याज भुक्तानी आगामी फागुन ६ गते गर्नेछ ।

यस्का लागि केन्द्रीय बैंकले बिहीबार (आज) उक्त परिमाणको निक्षेप बोलबकोल प्रक्रियाका माध्यमबाट सकलनको गर्दे छ । बैंकले सार्वजनिक गरेको सूचनाअनुसार ब्याजदरसमेत बोलकबोलको माध्यमबाट नै निर्धारण हुनेछ ।

Advertisement

केन्द्रीय बैंकले उक्त बैंकबाहेक अन्य बैंक तथा वित्तीय संस्थामा धितोका रुपमा प्रयोग गर्न सकिने गरी धितोसम्बन्धी व्यवस्था गरिएको छ । बैंकको सूचनामा बोलकबोल बहुब्याजदरमा पनि गर्न सकिने उल्लेखछ । निक्षेप सङ्कलन उपकरणको बोलकबोलमा केन्द्रीय बैंकबाट इजाजत प्राप्त गरेका क, ख र ग वर्गमा बैंक तथा वित्तीय संस्था मात्र सहभागी हुन पाउने छन् ।

निक्षेप सङ्कलनको बोलकबोलमा निक्षेपवापत जम्मा गर्न चाहेको रकम र ब्याजदर उल्लेख गर्नुपर्नेछ छ । समान ब्याजदर उल्लेख भएका बोल रकम समावेश गर्दा कूल निष्काशित रकमभन्दा बढी भएका प्रो रेट बेसिसमा बाँडफाँड गरिनेछ । निक्षेप सङ्कलन उपकरणको भुक्तानी मितिका दिन निर्धारित ब्याजदरसहित सङ्कलन निक्षेप रकम सम्बन्धित बैंकले केन्द्रीय बैंकको खातमा जम्मा गर्नुपर्नेछ ।