May 28, 2022, Saturday
१४ जेष्ठ २०७९, शनिबार

सरकारले खरिद गरेको २० हजार मेट्रिक टन युरिया मल एक हप्ता भित्र नेपाल आइपुग्ने

सरकारले खरिद गरेको  २० हजार मेट्रिक टन युरिया मल एक हप्ता भित्र नेपाल आइपुग्ने

फागुन ७, काठमाडौं ।
नेपाल सरकारले बङ्गलादेशबाट जीटूजी सम्झौताबाट खरिद गरेको मल मध्ये २० हजार मेट्रिक टन युरिया मल नेपाल ल्याउने काम सुरु भएको छ । सरकारले खरिद गरेको युरिया मल ढुवानीकर्ता संयुक्त अरब इमिरेट्स (यूएई) को कम्पनी जेन्ट्रेड एफजेडएफले त्यहाँको कारखानाबाट मल बुझेर लोड गरिसकेको हो । पानीजहाजमा लोड गरिसकेको उक्त मल अब एक हप्ता भित्र नेपाल आइपुग्ने कृषि सामग्री कम्पनी लिमिटेडले जनाएको छ ।

आज र भोलीमा मल कलकत्ता बन्दरगाह आइपुग्ने बताइएको छ । त्यसपछि मलको ‘प्याकेजिङ’ गरेर मात्र नेपाल ल्याइने छ । बङ्गलादेशबाट पहिलो लटमा २० हजार मेट्रिक टन मल ल्याइन लागेको हो । नेपाल सरकारले बंगलादेशको सरकारसँग ५० हजार मेट्रिक टन युरिया मल किन्नका लागि २०७७ पुस २ गते ‘जी टू जी’ सम्झौता गरेको थियो । ५० हजार मेट्रिक टन मध्ये पहिलो लटमा २० हजार मेट्रिक टन ल्याइने र अरू ३० हजार मेट्रिक टन बिस्तारै नेपाल ल्याउने कम्पनीले जनाएको छ ।

Advertisement