January 21, 2022, Friday
७ माघ २०७८, शुक्रबार

सफ्टवेयर कम्पनी एडोबका संस्थापक चाल्र्स चकको निधन

सफ्टवेयर कम्पनी एडोबका संस्थापक चाल्र्स चकको निधन

वैशाख ५, लस एन्जलस  । पोर्टबल डकुमेन्ट फरम्याट(पीडीएफ)  का निर्माता एवं सफ्टवेयर कम्पनी एडोबका संस्थापक चार्ल्स चक गेस्चेको ८१ वर्षको उमेरमा निधन भएको छ ।     

सान फ्रान्सिस्कोमा बस्दै आएका गेस्चेको शुक्रवार निधन भएको कम्पनीले बताएको छ । एडोबका प्रमुख कार्यकारी शान्तनु नारायनले कम्पनीका कर्मचारीलाई लेखेको इमेलमा कम्पनीका हिरोका रुपमा परिचित गेस्चेको निधनले एडोब परिवारमा गहिरो चोट पुगेको उल्लेख छ ।     

गेस्चेको निर्देशनमा एडोबले विश्व प्रसिद्ध सफ्टवेयरहरु पिडिएफ, एक्रोब्याट, इलस्ट्रेटर, प्रिमियर – प्रो र फोटोसप बनाइसकेको छ । यी सफ्टवेयर निकै लोकप्रिय छन् । सन् २००९ मा राष्ट्रपति बाराक ओबामाले गेस्चेलाई प्रविधि क्षेत्रको राष्ट्रिय पदकले सम्मानित गरेका थिए ।  रासस

Advertisement