February 8, 2023, Wednesday
२५ माघ २०७९, बुधबार

पछिल्लो २४ घण्टामा ८१ हजारले काठमाडौं छाडे, २३ हजार भित्रिए

पछिल्लो २४ घण्टामा ८१ हजारले काठमाडौं छाडे, २३ हजार भित्रिए

वैशाख १६, काठमाडौं ।
पछिल्लो २४ घन्टामा मात्रै ८१ हजार ५०२ जनाले काठमाडौं उपत्यका छाडेका छन् । सात हजार ३२२ साना–ठूला सवारी–साधनमार्फत उनीहरु बाहिरिएका हुन । सरकारले काठमाडौं उपत्यकामा आजदेखि लागू हुने गरी निषेधाज्ञा जारी गरेपछि उपत्यका छाडेर घर फर्किनेको संख्या बढेको हो । सोही अवधिमा २३ हजार ८ यात्रु उपत्यका भित्रिएका छन् ।

६ हजार ४ सय ३६ सवारी साधन भित्रिएका छन् । बाहिरिनेमा नागढुंगाबाट बढी छन् । उपत्यकाका तीन वटै जिल्लाका प्रमुख जिल्ला अधिकारीहरुको बैठकले काठमाडौं उपत्यकामा बिहीबार बिहान देखि वैशाख २२ गतेसम्म निषेधाज्ञा जारी गरेको छ भने मन्त्रिपरिषद् बैठकले थप निर्णय गर्दै वैशाख मसान्तसम्मै निषेधाज्ञा जारी गर्ने निर्णय गरेको छ ।

आजदेखि प्रशासनले तोेकेका सवारी–साधनबाहेक अन्यलाई उपत्यका आउन रोक लगाइएको छ । यस अघि मंगलबार एकैदिन ५० हजार जनाले काठमाडौँ उपत्यकाका छाडेका थिए । गत वर्ष एक साताका लागि लगाइएको लकडाउन हप्तैपिच्छे बढेकाले त्यस्तै हुनसक्ने आशंकामा पढ्न र काम गर्न आएका व्यक्तिहरु उपत्यकाबाट बाहिरीएका हुन् ।

Advertisement