हवाइमार्ग प्रयोग गरेर ५४ सय यात्रु बाहिरिदा २८ सय उपत्यका भित्रिए

वाणिज्य न्युज
१६ बैशाख २०७८

काठमाडौं– काठमाडौं उपत्यकामा निषेधाज्ञा जारी भएको पहिलो दिन आन्तरिक हवाइमार्ग प्रयोग गरेर ५४ सय यात्रु बाहिरिएका छन् । यस दिन २ हजार ८१६ यात्रु काठमाडौं भित्रिएका छन् । सवारी साधनलाई सरकारले राकेपछि हवाइयात्रा गर्नेको संख्या बढेको हो ।
त्रिभुवन अन्तर्राष्ट्रिय विमानस्थलका अनुसार बिहीबार साँझसम्म हवाइमार्गबाट ५ हजार ४५३ ले काठमाडौं छाडेका हुन् । आज एकै दिन १०४ आन्तरिक उडान भएको विमानस्थलले जनाएको छ ।
नेपाल एयरलाइन्सले ४, बुद्धले ४८,यतिले २७, ताराले ५, श्रीले १५ र सम्मिटले ५ उडान गरेको विमानस्थलले जनाएको छ ।