February 8, 2023, Wednesday
२५ माघ २०७९, बुधबार

रिज लाइन ईनर्जीले २० करोड ८२ लाखको आईपीओ निष्काशन गर्ने

रिज लाइन ईनर्जीले २० करोड ८२ लाखको आईपीओ निष्काशन गर्ने

असोज १२, काठमाडौं ।

रिज लाइन ईनर्जीले २० करोड ८२ लाख रुपैयाँ बराबरको साधारण सेयर (आईपीओ) निष्काशन गर्ने भएको छ ।कम्पनीले अधिकृत तथा जारी पुँजीको ३० प्रतिशतले हुन आउने २० करोड ८२ लाख ८७ हजार रकम बराबरको २० लाख ८२ हजार ८ सय ७० कित्ता सेयर निष्काशन गर्न लागेको हो।

कम्पनीले सेयर निष्काशनका लागि प्रभु क्यापिटललाई बिक्री प्रबन्धकमा नियुक्त गरेको छ। बिक्री प्रबन्धक सम्बन्धी सम्झौतापत्रमा कम्पनीका तर्फबाट बसन्त गिरी र प्रभु क्यापिटलबाट प्रबन्ध निर्देशक दिनेश थकालीले हस्ताक्षर गरेका छन्। कम्पनीले सर्वसाधारणलाई प्रारम्भिक सार्वजनिक निष्काशन गर्नेछ । कम्पनीले गोरखाको अजिरकोट-२ चेपेनदीमा ९.०५ मेगावाट क्षमताको सुपर चेपे हाइड्रोपावर आयोजना निर्माण गरिरहेको छ।

Advertisement